Taftés uniwérsitéti oqughuchiliri Uyghurlarni hémaye qildi

Muxbirimiz eziz
2021.03.04

Uyghurlar duch kéliwatqan basturush we türlük zulumlar nöwette barghanséri köp sahening hésdashliqi we qollishigha ige bolmaqta. Amérika jama'itige bekmu tonushluq bolghan taftés uniwérsitéti oqughuchilirining Uyghurlar heqqidiki chaqiriqlirini buning yene bir misali déyish mumkin.

2-Mart küni mezkur uniwérsitétning gézitide élan qilin'ghan bash maqalide amérika hökümitining jiddiy tedbir élip xitay hökümiti ijra qiliwatqan nöwettiki Uyghurlarni basturush herkitige xatime bérish telep qilindi.

Maqalide Uyghurlar we xitay hökümitining ötken mezgillerdiki Uyghurlarni basturush herkiti heqqide chüshenche bérish bilen birge milletchilikni yadro qilghan yétekchi idiyediki xitay kompartiyesining nöwette özliridin perqliq bolghan Uyghur millitini pütünley yoq qilishqa aldirawatqanliqi, shu sewebtin dunya démokratiyesining bayraqdari bolghan amérika hökümitining bu xil qebih zulumlarni toxtitish mejburiyiti barliqi alahide tekitlen'gen. Bolupmu amérika hökümitining eyni waqitta “Térorluqqa qarshi urush” ning éhtiyaji üchün xitay bilen hemkarlishishi xitayning ‍uyghurlarni basturushigha keng bahane bolup bergenliki eskertilip: “Baydén hökümiti emdi bu xildiki haletni özgertishi lazim” dep körsitilgen. Axirida xitay hökümitining qiliwatqanlirining yalghuz Uyghurlar bilenla cheklenmeydighanliqi, nöwette ularning bu xil yawuzluqi we tehditlirining tashqiy dunyagha kéngiyiwatqanliqimu eslep ötülgen.

Melum bolushiche, masachuséts shitatidiki taftés uniwérsitéti amérikadiki eng dangliq xususiy aliy mekteplerning biri bolup siyasi'et, iqtisad we sen'et saheside dunyagha dangliq köpligen kishilerni yétishtürgen iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.