Nik holdstokning Uyghurlar heqqidiki ikkinchi kitabi “Xitaydiki untulghan xelq” neshrdin chiqti

Muxbirimiz qutlan
2015.08.14

Shotlandiyede yashawatqan muxbir we yazghuchi nik holdstokning Uyghurlar heqqidiki ikkinchi kitabi “Xitaydiki untulghan xelq” yéqinda amérikida yoruq körgen.

Melum bolushiche, bu kitabta yéqinqi 2 yildin buyan Uyghur élining ichki weziyiti, Uyghurlarning qarshiliq körsitish küreshliri shundaqla xitay hökümitining Uyghur mesilisi boyiche oynawatqan siyasiy oyunliri heqqide eng yéngi bayan we muhakimiler bérilgen.

Aptor musteqil közetküchi we yazghuchi bolush süpiti bilen xitay hökümitining tömür perdisi astidiki Uyghur diyari we uning eng yéqinqi weziyiti heqqide közitish élip barghan. Mezkur kitabta aptor yene 2013-yilidiki tyen'enmén rawiqigha aptomobil bilen hujum qilish weqesi hemde 2014-yili marttiki kunming weqesi heqqide mexsus muhakime élip barghan.

Nik holdstokning Uyghurlar heqqidiki birinchi kitabi “Qan tamchiydighan derex” 2011-yili amérikidiki lu'as neshriyati teripidin neshr qilin'ghan. Uzun ötmeyla bu kitab chet'eldiki Uyghurlar teripidin Uyghurchigha terjime qilinip tarqitilghan.

Nik holdstokning “Halaket” namliq yene bir yéngi kitabi bu yil awghustning axirlirida amérikida tarqitilishqa bashlaydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.