Ник һолдстокниң уйғурлар һәққидики иккинчи китаби «хитайдики унтулған хәлқ» нәшрдин чиқти

Мухбиримиз қутлан
2015-08-14
Елхәт
Пикир
Share
Принт

Шотландийәдә яшаватқан мухбир вә язғучи ник һолдстокниң уйғурлар һәққидики иккинчи китаби «хитайдики унтулған хәлқ» йеқинда америкида йоруқ көргән.

Мәлум болушичә, бу китабта йеқинқи 2 йилдин буян уйғур елиниң ички вәзийити, уйғурларниң қаршилиқ көрситиш күрәшлири шундақла хитай һөкүмитиниң уйғур мәсилиси бойичә ойнаватқан сиясий оюнлири һәққидә әң йеңи баян вә муһакимиләр берилгән.

Аптор мустәқил көзәткүчи вә язғучи болуш сүпити билән хитай һөкүмитиниң төмүр пәрдиси астидики уйғур дияри вә униң әң йеқинқи вәзийити һәққидә көзитиш елип барған. Мәзкур китабта аптор йәнә 2013-йилидики тйәнәнмен равиқиға аптомобил билән һуҗум қилиш вәқәси һәмдә 2014-йили марттики кунмиң вәқәси һәққидә мәхсус муһакимә елип барған.

Ник һолдстокниң уйғурлар һәққидики биринчи китаби «қан тамчийдиған дәрәх» 2011-йили америкидики луас нәшрияти тәрипидин нәшр қилинған. Узун өтмәйла бу китаб чәтәлдики уйғурлар тәрипидин уйғурчиға тәрҗимә қилинип тарқитилған.

Ник һолдстокниң «һалакәт» намлиқ йәнә бир йеңи китаби бу йил авғустниң ахирлирида америкида тарқитилишқа башлайдикән.

Пикирләр (0)
Share
Толуқ бәт