Уйғур елида йәнә кан вәқәси йүз берип 10 адәм өлди

Мухбиримиз меһрибан
2014-12-02
Share


Өткән һәптиниң ахири уйғур елида йүз бәргән көмүркан гөмүрүлүш вәқәсидә 10 адәмниң өлгәнлики мәлум болди.

Хитайниң шинҗаң хәвәрләр ториниң хәвиридә 2 - декабир күни уйғур аптоном районлуқ көмүркан идарисиниң қумул нәнху 7 - номурлуқ көмүр кени вә биңтүәнгә қарашлиқ тәңритағ 106 - көмүр кениға көмүр қезишни тохтитиш буйруқи чүшүргәнликини елан қилди. Хәвәрдин мәлум болушичә, бу икки канда илгири көп қетим көмүр кан гүмүрүлүш вәқәси вә газ партлаш вәқәлири йүз бәргән. Хәвәрдин ашкарилинишичә, ахириқи қетимлиқ кан вәқәси өткән һәптә йүз берип вәқәдә көп адәм ярилинип, 10 адәм өлгән.

Йеқинқи бирқанчә йилдин буян уйғур елида хитай ширкәтлириниң кан игиләш һәрикәтлири барғанчә көпәйгән болуп, 2010 - йили ечилған шинҗаң хизмәт йиғинидин кейин йеңидин ечилған көмүр канлири асасән хитай ширкәтлириниң игидарчилиқида болуп, бу көмүр канлириниң мунбәт терилғу йәрләр вә чарвичилиқ мәйданлирида ечилиши, уйғур деһқанлири вә қазақ чарвичилирини йеридин айрилиш қисмитигә дучар қилипла қалмастин, көмүр кандин чиққан көмүр тозанлири вә суниң булғиниши бу җайлардики отлақ вә мивилик дәрәхләрни вәйран қилип, йәрлик аһалиләрдә һәр хил нәпәс яллуғи кесәлликлирини көпәйткән. Бу сәвәбтин йеқинқи йилларда уйғур қатарлиқ йәрлик милләтләрниң наразилиқ әрзи сунуш вә қаршилиқ һәрикәтлириму күчәйгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт