Uyghur diyaridiki qurulush sépige 200 ming ishchi qoshulmaqchi

Muxbirimiz eziz
2020-10-06
Élxet
Pikir
Share
Print

Xitay hökümiti yéqinda "Ishchilar sépini kéngeytish we namratlar üchün ishqa orunlishish pursiti yaritish" namida Uyghurlar diyarida kelgüsi üch yil ‍ichide 200 ming ishchini qurulush sahesige élip kélidighanliqini jakarlidi.

Xitay hökümitining bashqurushidiki shinxu'a agéntliqining 4-öktebirdiki xewiride éytili'ishche, hazirgha qeder Uyghurlar diyarida qurulush sahesige 300 mingdin artuq ishchi élin'ghan bolup, omumiy pilanning 60 pirsenttin köprekini teshkil qilidiken. Bu ishchilarning mutleq köp qismi ili, aqsu, qeshqer qatarliq jaylardin ishchiliqqa qobul qilin'ghanlar iken.

Xewerde éytilishiche, nöwette olturaq öy qurulushi we ma'arip orunlirining teshkillishi bilen Uyghurlar diyarining herqaysi jaylirida birdek qurulush ishchilirini terbiyelesh orunliri tesis qilin'ghan bolup, bu yilning özide 60 ming kishi bu merkezlerde terbiyelinidiken.

Muhajirettiki analizchilar bu halni xitay hökümitining ötken yillardin buyan xitay ölkiliridin Uyghurlar diyaridiki memuriy orunlar we saqchi sistémisigha minglap kadir qobul qilishi bile sélishturup, qurulush sépige élinidighan bu 200 ming kishining lagérlardin qoyup bérilidighan yash we ottura yash kishiler ikenlikini algha sürdi. Shundaqla xitay hökümitining herqachan "Namratliqni tügitish" dégendek namlar bilen bu xil tedbirlerni niqablaydighanliqini tekitlidi.

Toluq bet