Islam dunyasi Uyghur weziyitige köngül bölüshke chaqirildi

Muxbirimiz jüme
2013-11-23
Share


Keshmirdin chiqidighan "Keshmir közetküchisi" namliq tor zhurnili Uyghurlar we yéqini béyjing we sériqbuyida yüz bergen hujumlar heqqide élan qilghan mulahize maqaliside dunya jama'etchilikini, bolupmu islam dunyasini Uyghur weziyitige köngül bölüshke chaqirdi.

"Shinjangdiki atalmish Uyghur térrorchilar" namliq maqalide tyen'enmén aptomobil hujumi we 16 - noyabir sériqbuya saqchixanisigha qilin'ghan hujumlar heqqide toxtilip, da'irilerning her ikkila hujumni "Térrorluq hujumi" dep atighanliqi, emma buni ispatlaydighan yéterlik delil körsetmigenlikini otturigha qoyghan.

Maqalide yene, xitay hökümitining Uyghurlarni el qa'ide teshkilatigha baghlap xelq'ara térrorluqqa qarshi turush urushini suyi'istémal qilip Uyghurlarning diniy étiqad erkinliki, söz pikir erkinliki we milliy kimlikini qoghdash erkinlikini éghir derijide depsende qilghanliqini yazghan.

Maqalide mundaq körsitilgen: térrorizmgha qarshi urushining qalqini astida xitay hökümiti emeliyette Uyghurlagha qarita térrorluq yürgüzmekte. Xelq'ara jem'iyet, bolupmu islam dunyasining bu ézilgen milletke qaritilghan basturushlargha qarita endishilirini ipadileydighan peyt mana emdi keldi.

Maqalide yene, xelq'ara jem'iyet béyjing hökümitining Uyghurlarni térrorchi qilip körsitishke urunushlirigha ishenmeslikke chaqirilghan.

28 - Öktebir tyen'enmén rawiqigha aptomobil bilen hujum qilish weqesi yüz bergen. Hujumchilar ana, oghul we kélindin ibaret bir a'ile kishiliri bolup, bu xelq'araning diqqitini qozghighan.

16 - Noyabir 9 neper Uyghur pida'iy sériqbuyidiki xitay saqchixanisigha hujum qilip 3 xitay saqchisini öltürgen we bir nepirini yarilandurghan. Hujumda 9 neper Uyghur qurban bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet