Уйғур диярида алдинқи йерим йилда 10 миң 387 кишигә чарә көрүлгән икән

Мухбиримиз қутлан
2017-08-14
Елхәт
Пикир
Share
Принт

Хитайда чиқидиған хәлқ ториниң бүгүнки хәвиригә қариғанда, хитай интизам тәкшүрүш вә мәмурий тәптиш органлири уйғур аптоном районида алдинқи йерим йилда җәмий 23 миңдин көпрәк мәсилә вә йип учини бир тәрәп қилғанлиқи мәлум.

Хәвәрдә дейилишичә, уйғур дияридики мәмурий тәптиш органлири алдинқи йерим йилда бир тәрәп қилған 23 миң 124 мәсилә бойичә 11 миң 668 дело турғузуп тәкшүргән һәмдә 10 миң 387 кишигә чарә көргән.

Бир тәрәп қилинғанлар ичидә назарәт дәриҗилик кадирлардин 29 киши, наһийә (башқарма) дәриҗилик кадирлардин 346 киши, йеза (бөлүм) дәриҗилик кадирдин 2702 киши, адәттики кадирдин 3724 киши, башқа хадимдин 3586 киши бар икән.

Көзәткүчиләр, хитай даирилириниң уйғур елидики «тазилаш» һәрикитиниң тарихтики әң юқири пәллигә чиққанлиқини, җазаланған әмәлдарлар ичидә аз сандики хитай әмәлдарларниң көпинчисиниң «парихорлуқ яки чириклик» җинайити билән, уйғур әмәлдарларниң көп қисминиң «икки йүзлимичилик» яки «сиясий мәсулийитини ада қилмаслиқ» җинайити билән бир тәрәп қилинғанлиқини тәкитлимәктә.

Пикирләр (0)
Share
Толуқ бәт