Yene bir qisim Uyghurlar "Qanunsiz uchur tarqitish" bilen jazalan'ghan

Muxbirimiz irade
2017-08-31
Élxet
Pikir
Share
Print

Tengritagh tori tarqatqan xewerdin qarighanda, Uyghur aptonom rayonluq alaqe torini bashqurush idarisi yene 13 kishini intérnét toridiki atalmish "Qanunsiz" meshghulatliri üchün bir terep qilghan.

Bu 13 kishining 7 nepiri Uyghur, ikki nepiri tunggan, üch nepiri xitay, bir nepiri qazaq bolup, ularning köpinchisi téxi 20-28 yashlar etrapidiki yashlardin terkib tapqan.

Xewerde, ularning isimliri peqet bash herpi bilenla élin'ghan bolup, tizimliktiki Uyghur, tunggan we qazaq millitidin bolghanlar "Torda dini esebiylik mezmunidiki matériyallarni körüsh, dini mezmundiki resimlerni tor boshluqida saqlash, térrorluq-zorawanliq widiyolirini körüsh we saqlash, milliy bölgünchilikni terghib qilidighan mezmunlarni tarqitish" dégen sewebler bilen eyiblinip qolgha élin'ghan.

Bashqa üch neper kishi "Ösek söz tarqitish" dégen bilen eyiblen'gen.

Uyghur rayon da'iriliri ilgirimu ayrim-ayrim halda 8 neper we 12 neper kishini yuqiridikige oxshaydighan sewebler bilen jazalighan idi.

Xelq'aradiki kishilik hoquq organliri bolsa Uyghur élide kishilerning intérnét-uchur erkinliki we pikir erkinlikining xitay hökümiti teripidin éghir derijide depsende qiliniwatqanliqini bildürmekte.

Toluq bet