Uyghur élidiki dölet kadirliri "Qara küchleni tazilash" herikitining asasliq nishanigha aylan'ghan

Muxbirimiz irade
2019-04-25
Élxet
Pikir
Share
Print

Xitay hökümiti Uyghur élide atalmish "Qara küchlerni tazilash" dégen nam bilen élip bériwatqan herikiti arqiliq yerlik xelq ammisini yene mesile pash qilishqa yaki özini özini melum qilishqa qistimaqta.

25-Aprél küni aqsu wilayetlik intizam tekshürüsh komitéti, aqsu wilayetlik réwiziye komitéti bir uqturush élan qilip, atalmish qara küchlerning, rezillikke, chiriklikke chétishliq mesilisi barlar we hoquqidin paydilinip turup bashqilargha chapan yapqan partiye ezaliri, kadirlar we dölet xizmetchilirini belgilen'gen möhlet ichide mesilisini teshebbuskarliq bilen tapshurush heqqide uqturush tarqatqan.

Uyghur rayonidiki herqaysi jaylarda yéqindin buyan bu atalmish "Qara küchlerni" süpürüp tashlash herikiti omumyüzlük qozghalghan idi. Emma aqsu wilayiti teripidin tarqitilghan bu uqturushning mexsus halda kadirlar we dölet xizmetchilirige qaritilghanliqi diqqet qozghidi.

Bu heqtiki uqturushta "Uqturush élan qilin'ghan kündin bashlap bir ay ichide özining intizamgha, qanun'gha xilap mesilisini teshebbuskarliq bilen tapshurghanlar qanun boyiche yénik yaki yéniklitip bir terep qilinidu. Qilmishi bir qeder yénik bolghanlar bir terep qilishtin kechürüm qilinidu" dégendek ibariler qollinilghan.

Derweqe, bügün "Shinjang géziti" de yéngisar nahiyesi, ghulja nahiyesi we aratürk nahiyesi qatarliq 6 nahiyedin 6 neper dölet kadiri üstidin "Merkezning 8 türlük belgilimisige xilapliq qilish" dégen jinayet bilen uqturush chiqirilghan.

Xitay hökümiti 2017-yili minglighan kishilerni lagérgha solashni bashlashtin burun keng xelq ammisi arisida mushundaq "Teshebbuskarliq bilen mesile pash qilish herikiti" qozghighan idi.

Toluq bet