Уйғур дияридики җазаланған кадирлар сани зор гуман қозғимақта

Мухбиримиз әзиз
2020-04-28
Share

Уйғур дияридики сиясий бастуруш һәрикәтлиридә миңлиған уйғур рәһбирий кадирларниң "икки йүзлимичи" дегәндә намда бир яқлиқ қилинғанлиқи мәлум болған иди. 28-Апрел күни хитай һөкүмити бу һәқтики бир қисим санлиқ мәлуматларни елан қилди.

"шинҗаң гезити" ниң шу күнидики хәвиридә ейтилишичә, уйғур дияридики ревизийә, интизам вә тәптиш орунлири 2020-йилиниң биринчи пәслидила 5600 дин артуқ кадирға мәхсус дело турғузуп чиққан, төт миңға йеқин кадирға партийә ичидә агаһландуруш җазаси бәргән. Бу җәрянда назир дәриҗилик 16 кадирни, һаким дәриҗилик 100 кишини бир яқлиқ қилған.

Бу йилниң биринчи пәслидә йәнә он үч миңдин артуқ һәр дәриҗилик кадир "тәнқид вә тәрбийә" ниң төт хил шәклидә охшимиған дәриҗидә "учуғдалған". Хәвәрдә гәрчә бу кадирларниң милләт тәвәлики ейтилмиған болсиму, әмма анализчилар уларниң мутләқ көп қисминиң уйғурлар икәнликини тәхмин қилмақта.

Америкадики мустәқил көзәткүчи илшат һәсән бу һәқтә тохтилип: "бу хитай һөкүмити тарихтин буян қоллинип кәлгән өзлириниң бастуруш һәрикитигә һәмдәмдә болған кишиләрни йоқитиш усули," деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт