Uyghur diyaridiki jazalan'ghan kadirlar sani zor guman qozghimaqta

Muxbirimiz eziz
2020-04-28
Share

Uyghur diyaridiki siyasiy basturush heriketliride minglighan Uyghur rehbiriy kadirlarning "Ikki yüzlimichi" dégende namda bir yaqliq qilin'ghanliqi melum bolghan idi. 28-Aprél küni xitay hökümiti bu heqtiki bir qisim sanliq melumatlarni élan qildi.

"Shinjang géziti" ning shu künidiki xewiride éytilishiche, Uyghur diyaridiki réwiziye, intizam we teptish orunliri 2020-yilining birinchi peslidila 5600 din artuq kadirgha mexsus délo turghuzup chiqqan, töt minggha yéqin kadirgha partiye ichide agahlandurush jazasi bergen. Bu jeryanda nazir derijilik 16 kadirni, hakim derijilik 100 kishini bir yaqliq qilghan.

Bu yilning birinchi peslide yene on üch mingdin artuq her derijilik kadir "Tenqid we terbiye" ning töt xil sheklide oxshimighan derijide "Uchughdalghan". Xewerde gerche bu kadirlarning millet teweliki éytilmighan bolsimu, emma analizchilar ularning mutleq köp qismining Uyghurlar ikenlikini texmin qilmaqta.

Amérikadiki musteqil közetküchi ilshat hesen bu heqte toxtilip: "Bu xitay hökümiti tarixtin buyan qollinip kelgen özlirining basturush herikitige hemdemde bolghan kishilerni yoqitish usuli," dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet