Ақсу вилайәтлик сода-санаәтчиләр бирләшмисиниң муавин башлиқи пәрһат наман тәкшүрүлүшкә елинған

Мухбиримиз әркин
2020-05-22
Елхәт
Пикир
Share
Принт

Уйғур аптоном районида йәнә бир уйғур кадир хитай интизам тәкшүрүш вә ревизийә даирилириниң тәкшүрүши астиға елинған.

Бу хитай даирилириниң 2017-йили башланған чоң тутқунидин бери тәкшүрүшкә елинған яки тутқун қилинған йәнә бир наһийә дәриҗилик уйғур кадиридур. Хитайдики «хәлқ тори» ниң 20-май хәвәр қилишичә, ақсу вилайәтлик интизам тәкшүрүш вә ревизийә комитети ақсу вилайәтлик сода-санаәт бирләшмисиниң муавин башлиқи пәрһат наманни тәкшүрүшни қарар қилған.

Хәвәрдә униң «интизамға вә қанунға еғир дәриҗидә хилаплиқ қилғанлиқи сәвәблик» тәкшүрүш астиға елинғанлиқи тәкитләнгән. Лекин униң интизам вә қанунға конкрет қандақ хилаплиқ қилғанлиқи, нөвәттә униң қандақ тәкшүрүлүватқанлиқи һәққидә һечқандақ учур берилмигән. «Қанун яки сиясий интизамға хилаплиқ қилиш» хитай даирилириниң уйгур кадирлирини җазалашта даим ишлитидиған ибариси.

Хитай һөкүмитиниң 2017-йили башланған чоң тутқунидин бери һәр қайси саһәләрдики нурғун уйғур кадирлар «икки йүзлимичилик», «рәзил күчләргә янтаяқ болуш» дегәндәк қалпақлар билән җазаланған. Көзәткүчиләрниң илгири шүрүшичә, хитай даирилириниң уйғур кадирлирини бу хил мүҗмәл ибариләр билән әйибләп җазалиши уларни һакимийәт сепидин тазлап чиқиришни мәқсәт қилидикән.

Пикирләр (0)
Share
Толуқ бәт