Aqsu wilayetlik soda-sana'etchiler birleshmisining mu'awin bashliqi perhat naman tekshürülüshke élin'ghan

Muxbirimiz erkin
2020-05-22
Share

Uyghur aptonom rayonida yene bir Uyghur kadir xitay intizam tekshürüsh we réwiziye da'irilirining tekshürüshi astigha élin'ghan.

Bu xitay da'irilirining 2017-yili bashlan'ghan chong tutqunidin béri tekshürüshke élin'ghan yaki tutqun qilin'ghan yene bir nahiye derijilik Uyghur kadiridur. Xitaydiki "Xelq tori" ning 20-may xewer qilishiche, aqsu wilayetlik intizam tekshürüsh we réwiziye komitéti aqsu wilayetlik soda-sana'et birleshmisining mu'awin bashliqi perhat namanni tekshürüshni qarar qilghan.

Xewerde uning "Intizamgha we qanun'gha éghir derijide xilapliq qilghanliqi seweblik" tekshürüsh astigha élin'ghanliqi tekitlen'gen. Lékin uning intizam we qanun'gha konkrét qandaq xilapliq qilghanliqi, nöwette uning qandaq tekshürülüwatqanliqi heqqide héchqandaq uchur bérilmigen. "Qanun yaki siyasiy intizamgha xilapliq qilish" xitay da'irilirining uygur kadirlirini jazalashta da'im ishlitidighan ibarisi.

Xitay hökümitining 2017-yili bashlan'ghan chong tutqunidin béri her qaysi sahelerdiki nurghun Uyghur kadirlar "Ikki yüzlimichilik", "Rezil küchlerge yantayaq bolush" dégendek qalpaqlar bilen jazalan'ghan. Közetküchilerning ilgiri shürüshiche, xitay da'irilirining Uyghur kadirlirini bu xil müjmel ibariler bilen eyiblep jazalishi ularni hakimiyet sépidin tazlap chiqirishni meqset qilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet