Даириләр һазирғичә уйғур елида 146 нәпәр кадирни тәкшүрүп бир тәрәп қилғанлиқини илгири сүргән

Хәлқ тори уйғурчә қанилиниң хәвиригә қариғанда, 20-авғуст күни даириләр уйғур елидә җәмий 146 нәпәр кадирни тәкшүрүп бир тәрәп қилғанлиқини елан қилған.

Хәвәрдә дейилишичә, алдинқи йерим йилда тәптиш органлири уйғур елида чириклик, хиянәтчилик вә башқа саһәдики делолардин 123 ни паш қилған. Һәр дәриҗилик компартийә әмәлдарлиридин 104 адәмни җазалиған.

Мәлум болушичә, даириләр уйғур елида алдинқи йерим йилда тәкшүрүп бир тәрәп қилған 146 нәпәр кадир ши җинпиңниң хитай компартийәсиниң юқири қатлимида тазилаватқан “чоң йолвас” лириға четилидиған йәрликтики “кичик йолвас” лири икән.

Уларниң ичидә сабиқ үрүмчи шәһәрлик парткомниң секретари, уйғур аптоном райониниң сабиқ муавин рәиси яң гаң, сабиқ үрүмчи шәһәрлик парткомниң секретари ли җи қатарлиқларму бар икән.

Көзәткүчиләр, уйғур елида алдинқи йерим йилда 146 нәпәр компартийә әмәлдариниң бир тәрәп қилинғанлиқи бу йәрдики мәсилиниң асасий йүзи әмәс, хитай үчүн ейтқанда униңдинму муһим мәсилә райондики “муқимлиқ” вә “чегра районниң бихәтәрлики” мәсилисидур, дәп қаримақта.