Уйғур диярида йәнә 7 нәпәр кадир интизамға хилаплиқ қилиш билән әйиблинип җазаланған

Мухбиримиз әркин
2020-09-25
Share

Уйғур диярида икки нәпәр уйғур вә бир қазақ кадирни өз ичгә алған 7 нәпәр кадир интизамға хилаплиқ қилиш билән әйиблинип җазаланған. «Шинҗаң гезити» ниң 25-сентәбир хәвәридә ашкарилинишичә, уйғур аптоном районлуқ интизам тәкшүрүш вә ревизийә комитети 6 делоға четишлиқ 7 кишини «мәркәзниң 8 түрлик бәлгилимисигә хилап типик вәқәләр» дәп елан қилған. Хәвәрдә, бу кишиләрниң һәшәмәтхорлуқ қилип, совғат қобул қилип вә саяһәткә қатнишип, интизамға хилаплиқ қилғанлиқи, мәркәзниң бу җәһәттики 8 түрлүк бәлгилимисигә хилаплиқ қилғанлиқи илгири сүрүлгән.

Мәлум болушичә, интизамға хилаплиқ қилиш билән әйиблинип җазаланған бу кадирларниң ичидә маралбеши наһийәлик миллий тибабәтчилик дохтурханисиниң мудири әмир сидиқ, чапчал наһийәси кан йезилиқ һөкүмәтниң муавин башлиқи бақитбек рәхимбек, арал кәнт комитетиниң мудири тудахун закир қатарлиқ уйғур вә қазақ кадирлар бар икән. Хитай һөкүмити 2017-йили башлиған чоң тутқунда нурғун уйғур кадирлар тутқун қилинип, һөкүмәт вә кәспий органлардин тазланған.

Нурғун кадирлар лагерларға қамалған яки қамақ җазалириға һөкүм қилинғаниди. Көзәткүчиләрниң тәкитлишичә, даириләр мәркәзниң 8 түрлүк бәлгилимисигә хилаплиқ қилған дегәнни райондики һөкүмәт вә кәспий органларда қелип қалған әң ахирқи түркүмдики уйғурларни тазлаш үчүн баһанә қилип қолланмақтикән. «Шинҗаң гезити» ниң хәвиридә тәкитлинишичә, маралбеши наһийәлик миллий тибабәт дохтурханисиниң мудири әмир сидиқ вәзиписидин елип ташлинип, икки йил партийә ичидә синаққа қалдурулған. Бақитбек билән тудахун закирға партийә ичидә агаһландуруш җазаси берилгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт