Uyghur diyarida yene 7 neper kadir intizamgha xilapliq qilish bilen eyiblinip jazalan'ghan

Muxbirimiz erkin
2020-09-25
Share

Uyghur diyarida ikki neper Uyghur we bir qazaq kadirni öz ichge alghan 7 neper kadir intizamgha xilapliq qilish bilen eyiblinip jazalan'ghan. "Shinjang géziti" ning 25-séntebir xeweride ashkarilinishiche, Uyghur aptonom rayonluq intizam tekshürüsh we réwiziye komitéti 6 délogha chétishliq 7 kishini "Merkezning 8 türlik belgilimisige xilap tipik weqeler" dep élan qilghan. Xewerde, bu kishilerning heshemetxorluq qilip, sowghat qobul qilip we sayahetke qatniship, intizamgha xilapliq qilghanliqi, merkezning bu jehettiki 8 türlük belgilimisige xilapliq qilghanliqi ilgiri sürülgen.

Melum bolushiche, intizamgha xilapliq qilish bilen eyiblinip jazalan'ghan bu kadirlarning ichide maralbéshi nahiyelik milliy tibabetchilik doxturxanisining mudiri emir sidiq, chapchal nahiyesi kan yéziliq hökümetning mu'awin bashliqi baqitbék reximbék, aral kent komitétining mudiri tudaxun zakir qatarliq Uyghur we qazaq kadirlar bar iken. Xitay hökümiti 2017-yili bashlighan chong tutqunda nurghun Uyghur kadirlar tutqun qilinip, hökümet we kespiy organlardin tazlan'ghan.

Nurghun kadirlar lagérlargha qamalghan yaki qamaq jazalirigha höküm qilin'ghanidi. Közetküchilerning tekitlishiche, da'iriler merkezning 8 türlük belgilimisige xilapliq qilghan dégenni rayondiki hökümet we kespiy organlarda qélip qalghan eng axirqi türkümdiki Uyghurlarni tazlash üchün bahane qilip qollanmaqtiken. "Shinjang géziti" ning xewiride tekitlinishiche, maralbéshi nahiyelik milliy tibabet doxturxanisining mudiri emir sidiq wezipisidin élip tashlinip, ikki yil partiye ichide sinaqqa qaldurulghan. Baqitbék bilen tudaxun zakirgha partiye ichide agahlandurush jazasi bérilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet