Бу йил уйғур елидә тәкшүрүшкә учриған кадирлар хитай бойичә алдинқи орунни игилигән

Мухбиримиз әркин
2017.12.19
Share on WhatsApp
Share on WhatsApp

2017‏-Йили уйғур елидә интизамға хилаплиқ қилиш билән әйиблинип тәкшүрүшкә учриған вә җазаланған өлкә органлиридики кадирлар хитай бойичә алдинқи орунни илгирилигән.

Хитай мәркизи интизам тәкшүрүш комитети вә ревизийә министирлиқиниң ашкарилишичә, бу йил хитай бойичә өлкә органлиридики кадирлардин 211 кишиниң исми елан қилинған. Уларниң ичидә уйғур аптоном районидин 20 кадир интизамға хилаплиқ қилиш билән әйиблинип тәкшүрүшкә учриған вә җазаланған. Уйғур аптоном районидин қалса хитайниң гуаңдуң өлкиси 2‏-орунни, хунән өлкиси 3 ‏орунни илгирилигән.

Көзәткүчиләрниң илгири сүрүшичә, уйғур аптоном райониниң бу җәһәттә хитай бойичә алдинқи орунни игилишидики сәвәб бу районниң кәскин сиясий вәзийити вә қаттиқ бастуруш һәрикәтлири билән мунасивәтлик икән. Хитай интизам тәкшүрүш тармақлири бу йил 1‏-айда хотән вилайәтлик секретари җаң җинбявни вәзиписидин елип ташлиған. Җаң җинбяв “террорлуққа қарши муқимлиқни қоғдаш сиясий вәзиписини толуқ атқурмай, еғир сиясий ақивәт кәлтүрүп чиқириш” билән әйибләнгән. Даириләр арқидинла хотәндә 7 нәпәр юқири дәриҗилик кадирға чарә көрүлгән. Бу кишиләр 2016‏-йили 12‏-айда йүз бәргән қарақаш наһийәлик парткомға һуҗум қилиш вәқәсидин кейин башланған тазилашта вәзиписидин елип ташланған.

Даириләр бу йил йәнә уйғур аптоном районлуқ маарип назаритиниң сабиқ назири саттар савутни тутуп тәкшүрүшкә башлиған. Хоңкоң ахбарати униң дәрслик материяли сәвәблик тәкшүрүлүватқанлиқини билдүргән иди. Уйғур аптоном районлуқ партком секретари чен чүәнго 2016‏-йили 8‏-айда уйғур райониға йөткәп келин‘гәндин башлап, хитайниң сиясити техиму қопал түс алған. Нурғун йәрлик кадирлар “икки йүзлимичилик” билән әйиблинип җазаланған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.