Bu yil Uyghur élide tekshürüshke uchrighan kadirlar xitay boyiche aldinqi orunni igiligen

Muxbirimiz erkin
2017.12.19
Share on WhatsApp
Share on WhatsApp

2017‏-Yili Uyghur élide intizamgha xilapliq qilish bilen eyiblinip tekshürüshke uchrighan we jazalan'ghan ölke organliridiki kadirlar xitay boyiche aldinqi orunni ilgiriligen.

Xitay merkizi intizam tekshürüsh komitéti we réwiziye ministirliqining ashkarilishiche, bu yil xitay boyiche ölke organliridiki kadirlardin 211 kishining ismi élan qilin'ghan. Ularning ichide Uyghur aptonom rayonidin 20 kadir intizamgha xilapliq qilish bilen eyiblinip tekshürüshke uchrighan we jazalan'ghan. Uyghur aptonom rayonidin qalsa xitayning gu'angdung ölkisi 2‏-orunni, xunen ölkisi 3 ‏orunni ilgiriligen.

Közetküchilerning ilgiri sürüshiche, Uyghur aptonom rayonining bu jehette xitay boyiche aldinqi orunni igilishidiki seweb bu rayonning keskin siyasiy weziyiti we qattiq basturush heriketliri bilen munasiwetlik iken. Xitay intizam tekshürüsh tarmaqliri bu yil 1‏-ayda xoten wilayetlik sékrétari jang jinbyawni wezipisidin élip tashlighan. Jang jinbyaw “Térrorluqqa qarshi muqimliqni qoghdash siyasiy wezipisini toluq atqurmay, éghir siyasiy aqiwet keltürüp chiqirish” bilen eyiblen'gen. Da'iriler arqidinla xotende 7 neper yuqiri derijilik kadirgha chare körülgen. Bu kishiler 2016‏-yili 12‏-ayda yüz bergen qaraqash nahiyelik partkomgha hujum qilish weqesidin kéyin bashlan'ghan tazilashta wezipisidin élip tashlan'ghan.

Da'iriler bu yil yene Uyghur aptonom rayonluq ma'arip nazaritining sabiq naziri sattar sawutni tutup tekshürüshke bashlighan. Xongkong axbarati uning derslik matériyali seweblik tekshürülüwatqanliqini bildürgen idi. Uyghur aptonom rayonluq partkom sékrétari chén chü'en'go 2016‏-yili 8‏-ayda Uyghur rayonigha yötkep kélin‘gendin bashlap, xitayning siyasiti téximu qopal tüs alghan. Nurghun yerlik kadirlar “Ikki yüzlimichilik” bilen eyiblinip jazalan'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet