Уйғур районида йәнә бир түркүм кадирлар мәркәзниң бәлгилимисигә хилаплиқ қилиш билән әйиблинип җазаланған

Мухбиримиз әркин
2019-12-27
Share

Уйғур аптоном районида йәнә бир төүркүм кадирлар мәркәзниң «8 хил бәлгилимиси» гә хилаплиқ қилиш билән әйиблинип җазаланған.

Хитай таратқулириниң ашкарлишичә, бу қетим җазаланған кадирларниң 3 нәпири уйғур икән. Улар оғлиниң тойини һәшәмәтлк өткүзүш, омумниң аптомобилини шәхсий ишиға ишлитиш, совғат қобул қилиш дигәндәк әйибләшләр билән җазаланған.

«Шинҗаң гезити» ниң 27‏-декабир хәвәр қилишичә, уюр аптоном районлуқ интизам тәкшүрүш вә ревизийә комитети җазаланған юқириқи 7 нәпәр кадирниң мәсилисини мәркәзниң «8 хил бәлгимиси» гә хилап типик 7 дело, дәп елан қилған.

Хитай компартийәсиниң баш секритари ши җинпиң 2012‏-йили партийә вә һөкүмәт кадирлириниң әмәл қилишқа тегишлик « 8хил бәлгилимиси» ни чиқарғандин бери уйғур аптоном районлуқ партком бу бәлгилимигә хилап типик делоларни қәрәллик елан қилип кәлмәктә.

Бәзи көзәткүчиләрниң қаришичә, бу «8 хил бәлгилимә» аптоном районлуқ парткомниң һечқандақ сияси мәсилә тапалмиған уйғур кадирларни тазилаштики баһанәсигә айлинип қалған. Хәвәрдә бортала областлиқ йәр тәврәш вә тәбиий апәтләрниң алдини елиш мәркизиниң муавин башлиқи җүрәт абликим, үрүмчи шәһәрлик йол башқуруш идарисиниң кадири әкрәм летип, санҗи шәһәрлик қатнаш-транспорт идарисиниң кадири ниҗат, нилқа наһийәлик җ х идарисиниң сабиқ муавин башлиқи яң чүнфең қатарлиқ йәттә кишигә қаттиқ агаһландуруш, вәзиписидин елип ташлаш, дәриҗисини төвәнлитиш, партийә ичидә бир йил синақта қалдуруш қатарлиқ җазаларниң берилгәнликини билдүргән.

Йеқинда ашкарланған «шинҗаң һөҗҗәтлири» дә компартийә даирилириниң бәзи кадирларни чириклик вә парихорлуқ билән әйиблигән болсиму, лекин уларниң лагерларға қарши чиққанлиқи сәвәблик җазаланғанлиқи ашкарланған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.