Uyghur rayonida yene bir türküm kadirlar merkezning belgilimisige xilapliq qilish bilen eyiblinip jazalan'ghan

Muxbirimiz erkin
2019-12-27
Share

Uyghur aptonom rayonida yene bir töürküm kadirlar merkezning "8 Xil belgilimisi" ge xilapliq qilish bilen eyiblinip jazalan'ghan.

Xitay taratqulirining ashkarlishiche, bu qétim jazalan'ghan kadirlarning 3 nepiri Uyghur iken. Ular oghlining toyini heshemetlk ötküzüsh, omumning aptomobilini shexsiy ishigha ishlitish, sowghat qobul qilish digendek eyibleshler bilen jazalan'ghan.

"Shinjang géziti" ning 27‏-dékabir xewer qilishiche, uyur aptonom rayonluq intizam tekshürüsh we réwiziye komitéti jazalan'ghan yuqiriqi 7 neper kadirning mesilisini merkezning "8 Xil belgimisi" ge xilap tipik 7 délo, dep élan qilghan.

Xitay kompartiyesining bash sékritari shi jinping 2012‏-yili partiye we hökümet kadirlirining emel qilishqa tégishlik " 8Xil belgilimisi" ni chiqarghandin béri Uyghur aptonom rayonluq partkom bu belgilimige xilap tipik délolarni qerellik élan qilip kelmekte.

Bezi közetküchilerning qarishiche, bu "8 Xil belgilime" aptonom rayonluq partkomning héchqandaq siyasi mesile tapalmighan Uyghur kadirlarni tazilashtiki bahanesige aylinip qalghan. Xewerde bortala oblastliq yer tewresh we tebi'iy apetlerning aldini élish merkizining mu'awin bashliqi jür'et ablikim, ürümchi sheherlik yol bashqurush idarisining kadiri ekrem létip, sanji sheherlik qatnash-transport idarisining kadiri nijat, nilqa nahiyelik j x idarisining sabiq mu'awin bashliqi yang chünféng qatarliq yette kishige qattiq agahlandurush, wezipisidin élip tashlash, derijisini töwenlitish, partiye ichide bir yil sinaqta qaldurush qatarliq jazalarning bérilgenlikini bildürgen.

Yéqinda ashkarlan'ghan "Shinjang höjjetliri" de kompartiye da'irilirining bezi kadirlarni chiriklik we parixorluq bilen eyibligen bolsimu, lékin ularning lagérlargha qarshi chiqqanliqi seweblik jazalan'ghanliqi ashkarlan'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet