Xitay Uyghur élidiki pen-téxnika xaraktérlik karxanilargha maliye yardimi bérishni qarar qilghan

Muxbirimiz erkin
2021-11-12
Share

Xitay da'iriliri Uyghur élida yéngi pul-mu'amile méxanizimi qurup, nuqtiliq pen-téxnika xaraktérliq karxanilargha maliye yardimi bérishni qarar qilghan. Xitay da'irilirining bu qararining xelq'aradiki quyash énérgiye taxtilirini öz ichige alghan Uyghur mejburiy emgek mehsulatlirini cheklesh chuqanlirining rayondiki pen-téxnika xaraktérlik karxanilargha körsetken tesiri bilen munasiwetlik yaki emesliki melum emes. Rayondiki nurghun karxanilar hökümetning "Namratliqtin qutquzush" namidiki mejburiy emgek programmisigha qatniship, Uyghurlarni mejuriy emgekke sélish bilen eyiblinip kelgen.

"Shinjang gézit" ning xewer qilishiche, da'iriler Uyghur élida "Nuqtiliq pen-téxnika xaraktérlik karxanilarning aq tizimliki" tüzümini turghuzup, tizimlikke kirgen pen-téxnika karxanilirigha qarita qerzni qayta yéngilash, qayta hésaplash siyasiti yolgha qoyup, ularni meblegh jehettin qollashni kücheytidiken. Da'iriler bu arqiliq pen-téxnika karxanilirining téxnika yéngilap, yuquri süpetlik tereqqiyatigha yardem bérishni meqset qilghanliqini tekitlisimu, biraq közetküchiler buning xelq'ara imbargogha uchrap qiyin ehwalda qalghan shirketlerni qutquzushqa qaritilghan, dep qarimaqta.

Amérika bu yil yazda xitayning dunyadiki eng chong quyash énirgiye taxtiliri matériyali ishlepchiqiridighan xoshin shérkitining mehsulatlirini chekligen. "Shinjang géziti" ning éytishiche, xitay xelq bankisi yéqinda rayondiki alaqidar nazaret we idariler bilen birliship, "Pen-téxnikida yéngiliq yaritishqa meblegh mulazimitini kücheytish tedbirliri" ni élan qilghan. Melum bolushiche, buningda "Aq tizimlik" ke kirgen karxanilargha qerz ösümini töwenlitishte perqliq iqtisadiy yardem bérilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet