Ataqliq Uyghur karxanichi sadiqjan tutqun qilin'ghan

Muxbirimiz erkin
2018.10.04

Xitay da'irilirining ghuljidiki ataqliq öy-mülük sodigiri we xeyr-saxawetchi sadiqjanni tutqun qilghanliqi ilgiri sürülmekte.

Sadiqjanning chet'eldiki uruq-tughqanlirining peyshenbe küni radiyomizgha bildürüshiche, sadiqjan 30‏-séntebir küni xitay da'iriliri teripidin öyidin tutup kétilgen. Lékin uning xitay amanliq organliri teripidin tutqun qilinip türmige qamalghanliqi yaki yighiwélish lagérigha élip kétilgenliki melum emes.

Xitay da'iriliri 2017‏-yili 3‏-aydin bashlap, “Diniy esebiylik” ni tazilash namida Uyghur ziyaliylirini, Uyghur kadirlirini, diniy ölimalirini, tijaretchilirini, jama'et erbablirini, diniy we milliy xahishi küchlük bolghan adettiki puqralarni keng kölemde tutqun qilip lagérlargha qamighan yaki qamaq jazalirigha höküm qilishqa bashlighan. Xitayning bu xil basturush herikiti b d t kishilik hoquq organliri, gherb döletliri we xelq'ara kishilik hoquq teshkilatlirining qattiq tenqidige uchrighan idi.

Igilinishiche, sadiqjan bu a'ilidin tutqun qilin'ghan birdin-bir kishi emes. Ötken yili uning 23 yashliq sabit isimlik sin'gaporda oqup kelgen bir oghli yighiwélish lagérigha élip kétilgen iken. Sadiqjanning chet'eldiki uruq-tughqanlirining bildürüshiche, 30‏-séntebir küni sadiqjan tutqun qilin'ghandin bashqa yene uning eng yéqin dost-yarenliridin az dégende 6-7 kishining biraqla tutqun qilin'ghanliqi melum. Ularning ichide sadiqjanning shériki, ghuljidiki yene bir ataqliq öy-mülük tereqqiyat sodigiri saqihajimningmu barliqi ilgiri sürülmekte.

Mezkur weqe yawropa parlaménti 4‏-öktebir qarar maqullap, xitay da'irilirini Uyghur rayonidiki lagérlarni taqashni, lagérlardiki Uyghur, qazaq qatarliq tutqunlarni birdek qoyup bérishni telep qilghan mezgilge toghra kelgen. Melum bolushiche, sadiqjan bilen saqihaji ghuljining öy-mülük tereqqiyat sahesidiki serxiller bolupla qalmay, ular yene ghuljidiki tonulghan xeyri-saxawetchilerdin iken. Ularning ghulja turpanyüzi bazirida achqan “Sadiqjan-saqihaji bashlan'ghuch mektipi” 2014‏-yili xitayning memliketlik ösmürler putbol musabiqiside chémpiyonluqqa érishken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.