Uyghur kishilik hoquq programmisi xitayni "5‏-Iyul weqesi" de iz ‏- déreksiz ghayib bolghanlar aqiwitini élan qilishqa chaqirdi

Muxbirimiz erkin
2016-07-01
Share

Amérikidiki "Uyghur kishilik hoquq programmisi" namliq kishilik hoquq teshkilati jüme küni bayanat élan qilip, "5‏-Iyul weqesi" de iz-déreksiz ghayib bolghan Uyghurlarning aqiwitini élan qilishqa chaqirdi.

Mezkur teshkilatning qeyt qilishiche, xitay amanliq küchliri 2009‏-yili yüz bergen "5‏-Iyul weqesi" de we uningdin kéyin tutup ketken nurghun Uyghurning aqiwitidin ularning a'ile -tawabi'atigha hazirgha qeder héchqandaq uchur bermigen.

Xitay hökümiti "5‏-Iyul weqesi" de 198 adem ölgenlikini élan qilghan. Emma Uyghur teshkilatlirining ilgiri sürüshiche, ölgen we iz‏-déreksiz ghayib bolghan Uyghurlar minglargha yétidu.

"Uyghur kishilik hoquq programmisi" bayanatida, xitay hökümitini ghayib bolghan Uyghurlarning ehwali we ularning qeyerde tutup turuluwatqanliqigha da'ir tepsilatlarni toluq élan qilishqa chaqirip, "Uyghurlarning heq-hoquqlirini chekleshke chiqirilghan yéngi qanun -tedbirlerdin qattiq endishe qiliwatimiz" dégen.

Bayanatta yene "Uyghur kishilik hoquq programmisi" ning mes'uli alim séytop mundaq deydu: "Eger) xitay( hökümiti xelq'ara jem'iyetning hörmetke sazawer bir ezasi bolushni arzu qilsa, u choqum bu kishilerning aqiwitini tekshürüshi, ghayib bolghan Uyghurlarning a'ile-tawabi'atigha melumat bérishi kérek."

Kéler hepte "5‏-Iyul weqesi" ning 7 yilliq xatire küni yétip kélidu. "Uyghur kishilik hoquq programmisi" mezkur weqening 7 yilliqi harpisida bu bayanatni élan qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet