Zhurnalist tom rogén "Uyghur kishilik hoquq qanun layihesi" heqqide maqale élan qildi

Muxbirimiz shöhret hoshur
2018-11-15
Élxet
Pikir
Share
Print

Bügün amérikining "Washin'gton közetküchisi" (Washington Examiner) namliq gézitide tünügün amérika dölet mejliside tonushturulghan "Uyghur kishilik hoquq qanun layihesi" heqqide bir maqale élan qilindi.

Xitayning nöwette Uyghurlargha yürgüzüwatqan siyasitining xitayche alahidilikke ige étnik qirghinchiliq ikenliki tilgha élin'ghan bu maqalida mezkur layihening ehmiyiti chüshendürülgen.

Maqalida déyilishiche, bu layihe béyjing da'irilirining xelq'aradiki obrazigha tesir körsitish arqiliq ularni Uyghur rayonidiki lagérlargha qarita xelq'ara jama'etning nazaritini qobul qilishqa mejburlaydiken. Undin bashqa yene xitay bilen soda qiliwatqan bir qisim yawropa döletlirini xitay bilen bolghan soda munasiwitini exlaqiy nuqtidin közdin kechürüshke türtke bolidiken.

Maqalida yene bu layihening élan qilinishning Uyghur rayonida soda qiliwatqan amérika shirketlirinimu özini silkiwétishke, a'ile ezaliri yoqap ketken amérikiliq yaki amérika ahalilirining dadilliq bilen otturigha chiqip ehwal melum qilishigha türtke bolidighanliqi ilgiri sürülgen.

Maqalida mezkur layihening eng muhim ehmiyiti süpitide amérikini Uyghur mesiliside xitaygha qarshi xelq'arawiy herikette yétekchi orun'gha ötküzidighanliqi we buning amérika üchün zörür ikenliki tekitlen'gen. Maqale tonulghan zhurnalist tom rogén teripidin qelemge élin'ghan.

Toluq bet