Doktor érik shlussélning Uyghurlar heqqidiki kitabi "Jon feyirbanks mukapati" gha érishken

Muxbirimiz erkin
2021-10-18
Share

Amérikadiki jorji washin'gton uniéwérsitéti tarix penliri kespining yardemchi proféssori, Uyghurshunas érik shilussélning 2020-yili neshr qilin'ghan "Yatlarning zémini: ching sulalisining ottura asiyasidiki medeniyleshtürüsh qurulushi" namliq esiri amérika tarix jem'iyitining 2021-yilliq "Jon feyirbanks mukapati" gha érishken.

1968-Yili xarward uniwérsitétining ataqliq tarix penliri proféssori, amérika tarix jem'iyitining prézidénti jon feyirbanksning namigha tesis qilin'ghan bu mukapat xitay, wéytnam, xitay kontrolliqidiki ottura asiya, monggholiye, manjuriye, koriye we yaponiyening 1800-yildin kéyinki tarixigha ‍a'it nadir eserlerge bérilip kelgen. Érik shilussélning kolumbiye uniwérsitéti neshriyati teripidin neshr qilin'ghan bu kitabida, xitayning Uyghurlarni xitaylashturush herikitining 19-esirdila bashlan'ghanliqini körsitip bergen.

U bu kitabida 19-esirning axirilirida bir uchum xitay serxillirining musulmanlar köp sanliqtiki bu rayonni kontrol qilip, uni özlirining könglidikidek kungzi telimatlirigha muwapiqlashturup özgertishke kirishkenliki, ularning musulmanlarni kungzichi qilip özgertishtiki bu tirishchanliqining oxshimighan din we oxshimighan tildiki bu kishiler otturisida qandaq ijtima'iy munasiwet shekillendürgenlikini sherhiyligen.

Érik shilussélning éytishiche, bu medeniyet qurulushning inzhénérliri meqset qilghan assimiliyatsiye nishanini emelge ashurushning ornigha, bu xelqlerning téximu yiraqlishishini keltürüp chiqarghan. Chünki bu qurulush oxshash bir waqitta barawersizlik we zorawanliqning téximu küchiyishige türtke bolghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet