Uyghur élida yene yüz onming kishi yer-zéminliridin köchürüwétilidiken

Muxbirimiz irade
2017-03-28
Share

Bügün Uyghur élidiki hökümet taratqulirida élan qilin'ghan bir xewerdin, Uyghur élida ikki yil ichide yene yüz onming kishining öy-makanidin köchürülidighanliqi melum boldi.

Bu heqte "Shinjang géziti" we tengritagh tori qatarliq xewer torlirida bérilgen xewerde éytilishiche, Uyghur aptonom rayon da'iriliri Uyghur élida "Namratlarni köchürüp yölesh" dep nam bérilgen qurulushqa sélinidighan mebleghni yenimu köpeytip, ikki yil ichide yüz onming ademni öy-makanidin köchürüp yerleshtürüsh nishanini ishqa ashurup bolushni közlewatqanliqini bayan qilghan.

Uyghur rayon da'iriliri bir qanche yildin béri, "Namratlarni köchürüsh arqiliq yölesh", "Emin öy qurulushi" dégendek siyasetler arqiliq Uyghurlarni yurt-zéminliridin köchüshke mejburlimaqta. Chet'ellerdiki Uyghur közetküchiler bolsa, yuqiridiki qurulushlarning Uyghurlarning turmushini yaxshilash emes, eksiche ularning öy-makansiz, igiliksiz qélishigha yol échip bériwatqanliqini, halbuki xitay qol qoyghan alaqidar xelq'ara qanunlarda yerlik milletlerning yer-zéminliridin köchürüshke bolmaydighanliqining belgilen'genlikini eskertti.

Radiyomiz ilgiri qumulning taghliq rayonliridin bir tutash sheher etrapidiki töwen ijarilik öylerge köchürülgen Uyghurlardin igiligen melumatlardimu, yer-zéminidin ayrilghan bu kishilerning hökümet salghan tar-tapchuq bina öylerde töwen turmush kapalet puligha tayinip yashashqa mehkum bolghanliqi, eksiche bu jaylargha kelgen xitay sayahet shirketlirining hessilep payda éliwatqanliqi melum bolghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet