Pamir boyliridiki ahaliler aqtu nahiyisige köchürüp bolun'ghan

Muxbirimiz eziz
2020-04-22
Share

Xitay hökümitining “Namratliqni tügitip xelqqe bext yaritish” namida herqaysi yurtlarda ewlatmu-ewlat yashap kelgen Uyghur we bashqa türkiy tilliq xelqlerni nahiye bazirigha yéqin jaygha kolléktip halda toplap kéliwatqanliqi melum. Yéqinda pamir igizlikidiki köchmen ahalilerning hazir pütünley köchürülüp bolghanliqi aydinglashti.

Xitayning shinxu'a agéntliqi tarqatqan 21-apréldiki sin xewiride körsitilishiche, aqtu nahiyesidiki bir qisim charwichilar nahiye bazirigha on kilométir kélidighan ahaliler olturaq rayonigha köchürülgen. Pütkül olturaq rayoni qatar ketken binalardin teshkil tapqan bolup, ilgiriki tarqaq makanlashqan charwichilar emdi birla orun'gha merkezleshtürüp orunlashturulghan.

Xitay hökümitining teshwiqatida bu ehwal “Az sanliq milletlerni bayashat turmushqa yéteklesh” dep teshwiq qiliniwatqan bolup, muhajirettiki bir qisim analizchilar buni “Xitay hökümitining toplap kontrol qilish istratégiyesining emeliylishishi,” dep qarimaqta.

1990-Yili aqtu nahiyisining barén yézisida shu jaydiki Uyghurlarning xitay hökümitige qarshi qoralliq qozghilingi partlighan bolup, shu waqitta bu qozghilang xitay armiyisining zor sanda herbiy küchni ishqa sélishi bilen basturuwétilgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet