“Amérika Uyghur longqisi” ni talishish putbol musabiqisi 2‏-künige qedem qoydi

Muxbirimiz erkin
2018.07.06

Amérikining wirjiniye shtatida ötküzülüwatqan 4‏-nöwetlik “Amérika Uyghur longqisi” ni talishish potbul musabiqisi peyshenbe küni 2‏-künige qedem qoydi.

Shu künki musabiqide 6 komanda 3 meydan musabiqe oynidi. “Uyghur birliki komandisi” bilen “Boston-nyu-yorktiki york birleshme komandisi”, “Kanada boghda komandisi bilen san-fransisko Uyghur potbul kulubi komandisi” we “Wirjiniye teklimakan komandisi” bilen “Los-anjélis Uyghur potbul kulubi komandisi” öz-ara musabiqileshti.

Musabiqide “Uyghur birliki komandisi” bilen “Boston-nyu york birleshme komandisi” 2 ge qarshi 2 netije bilen tengliship qaldi. “Los-anjélis Uyghur kulubi komandisi” nölge qarshi bir netije bilen “Wirjiniye teklimakan komandisi” ni, “Kanada boghda komandisi” nölge qarshi 7 netije bilen “San-fransésko Uyghur kulubi komandisi” ni utuwaldi.

Musabiqe bashlinip hazirgha qeder jem'iy 6 meydan top oynaldi. Lékin bu musabiqilerde “Uyghur birliki komandisi” bilen “Kanada boghda komandisi” héchkimge utturup baqmidi. 4‏-Iyuldiki musabiqide “Uyghur birliki komandisi” “San-fransésko Uyghur kulubi” ni, “Kanada boghda komandisi” “Boston-nyu-yorktiki york birleshme komandisi” ni utuwaldi. Bu ikki komanda jüme küni musabiqige chüshidiken. Jüme küni yene “San-fransésko Uyghur kulubi” bilen “Boston-nyu-yorktiki york birleshme komandisi”, “Mariland Uyghur komandisi” bilen “Los-anjélis Uyghur kulubi komandisi” musabiqilishdiken.

“Amérika Uyghur longqisi” ni talishish putbol musabiqisi 2015- yili tesis qilin'ghandin béri her yili yazda ötküzülüp kelmekte. Bu musabiqe hazir shimaliy amérika qit'esidiki Uyghurlarning öz-ara uchrishidighan, perzentlirige Uyghur milliy en'enilirini singdüridighan muhim pa'aliyet sorunigha aylandi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.