Xitay hökümiti Uyghur élida “Uyghur klassik edebiyati we muqam jem'iyti” qatarliq 160 ijtima'iy teshkilatni bikar qilghan

Muxbirimiz erkin
2022-02-25
Share

Uyghur aptonom rayonluq xelq ishliri nazariti 22-féwral ‍uqturush élan qilip, “Uyghur klassik edebiyati we muqam jem'iyiti” we Uyghur kespiy mekteplirini öz ichige alghan rayon xaraktérliq 160 ijtima'iy teshkilatni bikar qilin'ghanliqini élan qilghan. Xelq ishlar nazaritining uqturushida körsitishiche, yoqiriqi 160 ijtima'iy teshkilatning tizimlash guwahnamisi we tamghisi bu uqturush élan qilin'ghan kündin bashlap etkes qilin'ghan.

Xitay hökümitining bu uqturushi rayonda Uyghur tili we medeniyiti cheklinip, bu sahediki nurghun serxiller tutqun qilin'ghan yaki iz-déreksiz ghayip bolghan, bu sahediki Uyghurlargha a'it bolghan nurghun mektep, shirket, ijtima'iy qurulushlar pütünley taqalghan yaki palech halgha chüshürüp qoyulghan bir waqitta élan qilin'ghan. Xitay hökümiti 2017-yildin bashlap “Shinjangni medeniyet bilen ozuqlandurush qurulushi” namliq heriket qozghap, “Milletlerni öz'ara qoshuwétish” Uyghur medeniyitini omumiyyüzlük xitaylashturushqa kirishken idi.

“Bingtu'en géziti” ning ashkarilishiche, Uyghur aptonom rayonluq xelq ishliri nazariti teripidin bikar qilin'ghan bu 160 ijtima'iy teshkilat miraj kespiy mektipi, shinjang “Intil” kespiy téxnika mektipi, “Uyghur aptonom rayonluq Uyghur kilassik edebiyati tetqiqat jem'iyiti”, shinjang “Atlan” kespiy téxnika terbiyelesh mektipi, shijang “Aqyar” kespiy téxnika terbiyelesh mektipi, shinjang serwi kespiy téxnika terbiyelesh mektipi, dolan déhqan ressamlar akadimiyesi, qaraqurum milliy naxsha-ussul sen'iti almashturush merkizi qatarliqlarni öz ichige alghan iken. Xitay hökümiti 2017-yili bashlan'ghan chong tutqunda shirket, mektep we kespiy jem'iyetlerni qurghan nurghun Uyghur serxillirini tutqun qilip, uzun yilliq qamaq jazalirigha höküm qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet