“шинҗаң” гезити “шинҗаңни мәдәнийәт билән ‍озуқландурушни омумйүзлүк чоңқурлаштуруш” ни тәләп қилди

Мухбиримиз әркин
2022.06.06
Share on WhatsApp
Share on WhatsApp

6-Июн күни уйғур аптоном районлуқ парткомниң орган гезити болған “шинҗаң” гезити вә “тәңритағ” тори қатарлиқ таратқуларда елан қилинған бир мақалидә, “шинҗаңни мәдәнийәт билән озуқландуруш” ни омумйүзлүк чоңқурлаштуруш тәләп қилинған. Мақалидә ейтилишичә, “истратегийәлик пиланлаш вә юқири қатламлиқ лайиһиләшни күчәйтип, мәдәнийәтниң йөнилишини тепип чиқиш, озуқландурушниң усул-чарилирини тәтбиқлаш, шинҗаңниң мол мәнисини чүшиниш, шинҗаңни мәдәнийәт билән озуқландурушниң һәр түрлүк хизмәтлирини җайида әмәлийләштүрүш керәк” икән.

Уйғур елиниң вәзийитидин хәвәрдар анализчиларниң ейтишичә, б д т кишилик һоқуқ алий комиссари мишел бачелет ‍өткән һәптә уйғур елидә зиярәттә болуп, арқидинла “шинҗаң гезити” ниң бу мәқалини елан қилиши диққәт қозғайдикән. Анализчилар, бачелетниң зияритидин кейинла “шинҗаң гезити” ниң “шинҗаңни мәдәнийәт билән ‍озуқландуруш” ни омумий йүзлүк чоңқурлаштуруш тоғрисида кона муқамни қайта товлиши, униң бу зиярәттин оңушлуқ атлап өткәнликини көрситиду, дәп қарашқан. Бәзи ғәрб дөләтлири, хәлқара кишилик һоқуқ тәшкилатлири вә муһаҗирәттики уйғурлар бачелетниң зияритигә қарши чиққан. Улар бу шараитта хитайниң б д т хадимлирини алдап йолға селип қойидиғанлиқини агаһландурғаниди.

Мақалидә, “шинҗаңни мәдәнийәт билән озуқландуруш қурулушиниң узун муддәтлик истратегийә, сағлам асас селиш, узун мәзгиллик бихәтәрлик бәрпа қилишниң негизлик тәдбири” икәнлики, “шинҗаңни мәдәнийәт билән озуқландуруш қурулушини омумийүзлүк чоңқур әмәлийләштүрүштә муһим йөнилишкә капаләтлик қилиш, идеологийә хизмитиниң рәһбәрлик һоқуқи, ‍актипчанлиқ һоқуқи, сөз қилиш һоқуқиға мәһкәм игә болушимиз керәк” дейилгән. “шинҗаң” гезитиниң мақалисидә ейтилишичә, “шинҗаңни мәдәнийәт билән озуқландуруш бир хил мурәккәп система қурулуши” икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт