"ню-йорк вақти" гезити: "бир австиралийәликниң йипәк йоли вә доппиға бағланған кимликини издиши"

Мухбиримиз ирадә
2021-11-18
Share

"ню-йорк вақти" гезитидә мәхсус мақалә елан қилинип, уйғурларниң доппа мәдәнийити вә бу арқилиқ уйғур кимликини сақлаш һәрикити тонуштурулған.

Мақалигә "бир австиралийәликниң йипәк йоли вә доппиға бағланған кимликини издиши" дәп мавзу қоюлған болуп, униңда австралийәдә чоң болған, уйғур ана вә өзбәк атиниң қизи болған сүбһи бөрәниң өз йилтизи, кимлики үстидә издиниш җәряни баян қилинған.

Мақалидә ейтилишичә, кичик вақтида австралийәгә кәлгән сүбһи зиддийәтлик мәдәнийәт кимлики һессияти ичидә чоң болиду, бирақ хитай һөкүмитиниң зулуми сәвәбидин уйғурларниң миллий мәвҗутлуқи еғир киризисқа дуч келиши субһидә өз йилтизи, мәдәнийити вә кимлики үстидә издиништин ибарәт бир тәхирсиз туйғуни пәйда қилиду.

Буниң нәтиҗисидә у оттура асия дөләтлирини зиярәт қилип, кичикидә аписидин өгәнгән уйғур доппа мәдәнийити билән йәниму чоңқур тонушиду. Узун тиришчанлиқлар нәтиҗисидә ахири у доппа тиккүчиләр билән сетивалғучиларни бир ариға җәм қилидиған бир тор бәтни барлиққа кәлтүриду вә үнүм қазиниду.

Мақалидә уйғурларниң тарихи, мәдәнийити вә уларниң доппиға болған муһәббити тонуштурулуш арқилиқ чәт әлләрдә өсүп йетиливатқан уйғур әвладлириниң өз кимликигә садиқ һалда уйғур миллий мәвҗутлуқини сақлап қелиш үчүн қолидин келишичә тиришчанлиқ көрситиватқанлиқи йорутуп берилгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт