"Nyu-york waqti" géziti: "Bir awstiraliyelikning yipek yoli we doppigha baghlan'ghan kimlikini izdishi"

Muxbirimiz irade
2021-11-18
Share

"Nyu-york waqti" gézitide mexsus maqale élan qilinip, Uyghurlarning doppa medeniyiti we bu arqiliq Uyghur kimlikini saqlash herikiti tonushturulghan.

Maqalige "Bir awstiraliyelikning yipek yoli we doppigha baghlan'ghan kimlikini izdishi" dep mawzu qoyulghan bolup, uningda awstraliyede chong bolghan, Uyghur ana we özbek atining qizi bolghan sübhi börening öz yiltizi, kimliki üstide izdinish jeryani bayan qilin'ghan.

Maqalide éytilishiche, kichik waqtida awstraliyege kelgen sübhi ziddiyetlik medeniyet kimliki héssiyati ichide chong bolidu, biraq xitay hökümitining zulumi sewebidin Uyghurlarning milliy mewjutluqi éghir kirizisqa duch kélishi subhide öz yiltizi, medeniyiti we kimliki üstide izdinishtin ibaret bir texirsiz tuyghuni peyda qilidu.

Buning netijiside u ottura asiya döletlirini ziyaret qilip, kichikide apisidin ögen'gen Uyghur doppa medeniyiti bilen yenimu chongqur tonushidu. Uzun tirishchanliqlar netijiside axiri u doppa tikküchiler bilen sétiwalghuchilarni bir arigha jem qilidighan bir tor betni barliqqa keltüridu we ünüm qazinidu.

Maqalide Uyghurlarning tarixi, medeniyiti we ularning doppigha bolghan muhebbiti tonushturulush arqiliq chet ellerde ösüp yétiliwatqan Uyghur ewladlirining öz kimlikige sadiq halda Uyghur milliy mewjutluqini saqlap qélish üchün qolidin kélishiche tirishchanliq körsitiwatqanliqi yorutup bérilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet