Uyghur medeniyitini chet ellerde saqlap qélish tirishchanliqi alqishlanmaqta

Muxbirimiz eziz
2021-11-19
Share

Xitay hökümitining Uyghur diyaridiki basturush herikiti jeryanida Uyghurlarning milliy kimliki we diniy étiqadigha mensup barliq shey'ilerni, jümlidin Uyghur til-yéziqi we medeniyet miraslirini bir-birlep yoq qiliwatqanliqi yéqindin béri köplep melum bolushqa bashlighan idi. Bezi mutexessisler “Medeniyet qirghinchiliqi” dep atawatqan bu ehwalgha qarita muhajirettiki bir qisim Uyghur ziyalilirining Uyghur medeniyitini saqlap qélish yolida tirishchanliq körsitiwatqanliqi yéqindin buyan her sahening diqqitini qozghimaqta.

Amérika qoshma shitatlirining gruziyediki bash elchixanisi yéqinda özlirining tor bétide mexsus obzor élan qilip, muhajirettiki Uyghur ziyalilirining bu jehettiki xizmetlirige yuquri baha bergen. Bolupmu fransiyediki Uyghur ziyaliliridin dilnur reyhanning fransiyede oqush we xizmet qilish jeryanlirini tonushturush bilen birge 2019-yili qurulghan “Yawropa Uyghur inistituti” arqiliq muhajiret hayatida Uyghur tili, tarixi, Uyghur medeniyiti sahesidiki bilimlerni tarqitish, shu arqiliq Uyghurlarning wetinide halaketke yüzliniwatqan bu medeniyet miraslirini öz chamisi yetken da'iride saqlap qélishqa tirishiwatqanliqigha apirin oqughan.

Melum bolushiche, muhajiret hayatidiki Uyghurlarning mushu yosunda Uyghur tili we medeniyitini saqlap qélish tirishchanliqliri muhajirettiki Uyghurlar qilalaydighan bir zor xizmet, dep qariliwatqan bolup, yéqindin buyan bu jehette kishini xoshal qilidighan bezi xewerler otturigha chiqmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet