“уйғур һоқуқини тәшәббус қилиш қурулуши” уйғур елида ишләпчиқирилған мәһсулатларниң канадаға киришини чәкләш дәвасиға арилишидикән

Мухбиримиз ирадә
2021-12-23
Share

Канадада паалийәт көрситиватқан “уйғур һоқуқини тәшәббус қилиш қурулуши” канада федератсийә һөкүмити билән мәҗбурий әмгәк билән ясалған дәп гуман қилинған малларниң канадаға киришини тосмақчи болуватқан мусапирларни қоғдаш тәшкилати оттурисидики қануний делоға арилишиш салаһийитигә еришкән.

Канаданиң чолпан гезитиниң хәвәр қилишичә, уйғур паалийәтчиси мәмәт тохти әпәндиниң йетәкчиликидики уйғур һоқуқини тәшәббус қилиш қурулушиканададики “җиддий еһтияҗлиқ мусапирларни қоллаш (CSRDN) тәшәббуси” дәп атилидиған тәшкилат тәрипидин башланған дәвада қануний дәлилләрни оттуриға қоялайдикән.

“җиддий еһтияҗлиқ мусапирларни қоллаш (CSRDN) тәшәббуси” тәшкилати бу йил 2-айда федератсийә сот мәһкимисигә әрз сунуп, канада чегра мулазимәт оргиниға уйғур елида ясалған мәһсулатларниң канадаға киришини чәкләш һоқуқи берилишини тәләп қилғаникән.

Мәзкур сотта “уйғур һоқуқини тәшәббус қилиш қурулуши” канаданиң немә үчүн уйғур елидин киргүзүлгән мәһсулатларни чәклиши керәклики һәққидә испат сунидикән. Мәзкур тәшкилатниң иҗраийә директори мәмәт тохти әпәнди чолпан гезитигә қилған сөзидә: “бу һәқиқәтән әһмийәтлик, чүнки биз бу арқилиқ хәлқимизниң авази болалаймиз вә канаданиң немә үчүн тәдбир қоллинип уйғурларниң мәҗбурий әмгики билән булғанған мәһсулатларни импорт қилишни тохтитиши керәкликини көрситип берәләймиз” дегән.

Мәлум болушичә, бу уйғур тәшкилатиниң тунҗи қетим канадада бундақ орунға еришиши икән.

Нөвәттә канада “җиддий еһтияҗлиқ мусапирларни қоллаш (CSRDN) тәшәббуси” вә уйғур һоқуқини тәшәббус қилиш қурулуши федератип сотта бу даваниң көрүлүшини күтмәктикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт