“шинҗаңниң мевисини шәрққә йөткәш” қурулуши муһаҗирәттики уйғурларни ғәзәпләндүрди

Мухбиримиз әзиз
2020-09-01
Share

Хитай һөкүмити башқурушидики шинхуа агентлиқиниң 31-авғусттики хәвиридә ейтилишичә, хитай даирилириниң “шинҗаңға ярдәм бериш” намидики “шинҗаңниң мевилирини шәрққә йөткәш” қурулуши нөвәттә җиддий давам қилмақтикән.

Хәвәрдә ейтилишичә, буниңда уйғурлар дияридики атуш әнҗүри, қумул қоғуни, ‍ақсу алмиси, турпан үзүми қатарлиқ мевиләр шәндоң, шаңхәй, җеҗяң қатарлиқ җайларға йөткилидикән. Улар буниңда “бу мевиләр дуняға даңлиқ болсиму, әмма қатнаш вә йөткәш һалқилиридики мәсилиләр түпәйлидин кәң базарға йүзлинәлмигән” дәп чүшәнчә бәргән.

Һалбуки муһаҗирәттики уйғурларниң билдүрүшичә, өткән бирнәччә йилда уйғурлар дияридики баққаллиқтин бейиған зор түркүмдики уйғур байлири лагерларға елип кетилгән, уларниң бағ-варанлирини хитай аққунлири игиливалған. Йәнә бир яқтин уйғурларға қаритилған қатму-қат контроллуқ тәдбирлири түпәйлидин уйғурларниң йөткилиш әркинлики пүтүнләй тартивелинған болғачқа илгирики вақитлардикидәк уйғурларниң хитай өлкилиригә мевә йөткиши мумкин болмайдиған ишларға айлинип қалған.

Америкадики мустәқил көзәткүчи елшат һәсән бу һәқтә тохтилип “хитай һакимийити һәр йили шәрқий түркистандин ғайәт зор тәбиий байлиқларни булап кетиштин башқа әмдиликтә уйғурларниң аз-тола пул тапидиған мушунчилик имканийитиниму қоймаслиқи уларниң уйғурларни мәңгү намрат қалдуруштәк мустәмликичилик характерини техиму ашкара ечип бериду” деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт