“Shinjangning méwisini sherqqe yötkesh” qurulushi muhajirettiki Uyghurlarni ghezeplendürdi

Muxbirimiz eziz
2020-09-01
Share

Xitay hökümiti bashqurushidiki shinxu'a agéntliqining 31-awghusttiki xewiride éytilishiche, xitay da'irilirining “Shinjanggha yardem bérish” namidiki “Shinjangning méwilirini sherqqe yötkesh” qurulushi nöwette jiddiy dawam qilmaqtiken.

Xewerde éytilishiche, buningda Uyghurlar diyaridiki atush enjüri, qumul qoghuni, ‍aqsu almisi, turpan üzümi qatarliq méwiler shendong, shangxey, jéjyang qatarliq jaylargha yötkilidiken. Ular buningda “Bu méwiler dunyagha dangliq bolsimu, emma qatnash we yötkesh halqiliridiki mesililer tüpeylidin keng bazargha yüzlinelmigen” dep chüshenche bergen.

Halbuki muhajirettiki Uyghurlarning bildürüshiche, ötken birnechche yilda Uyghurlar diyaridiki baqqalliqtin béyighan zor türkümdiki Uyghur bayliri lagérlargha élip kétilgen, ularning bagh-waranlirini xitay aqqunliri igiliwalghan. Yene bir yaqtin Uyghurlargha qaritilghan qatmu-qat kontrolluq tedbirliri tüpeylidin Uyghurlarning yötkilish erkinliki pütünley tartiwélin'ghan bolghachqa ilgiriki waqitlardikidek Uyghurlarning xitay ölkilirige méwe yötkishi mumkin bolmaydighan ishlargha aylinip qalghan.

Amérikadiki musteqil közetküchi élshat hesen bu heqte toxtilip “Xitay hakimiyiti her yili sherqiy türkistandin ghayet zor tebi'iy bayliqlarni bulap kétishtin bashqa emdilikte Uyghurlarning az-tola pul tapidighan mushunchilik imkaniyitinimu qoymasliqi ularning Uyghurlarni menggü namrat qaldurushtek mustemlikichilik xaraktérini téximu ashkara échip béridu” dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet