“H&M” ширкити уйғур елидин пахта мәһсулатлири тәминләшни тохтатқан
Шивитсийәниң тонулған кийим-кечәк маркиси “H&M” ширкити өзлириниң уйғур елидики һечқандақ кийим-кечәк завути билән алақә қилмайдиғанлиқини вә у йәрдики завутларға заказ бәрмәйдиғанлиқини билдүргән.
“блумберг” гезитиниң хәвәр қилишичә, “H&M” ширкитиниң баянатчиси улрика исаксон бу һәқтә гезиткә қайтурған җавабида H&M ширкитиниң һазир уйғур елидин һечқандақ мал киргүзмәйватқанлиқини тәкитлигән. У йәнә: “биз хитай өлкилиридики мал тәминлигүчи завутларниңму мәҗбурий әмгәктин пайдилинип, уйғур ишчиларни ишләтмигәнликигә капаләтлик қилиш үчүн зөрүр тәдбирләрни қоллиниватимиз,” дегән.
Улар баянатида йәнә өзлириниң илгири “яхши пахта қурулуши” дәп аталған программа асасида уйғур елидин пахта алғанлиқини, бирақ һазир бу программини тохтатқанлиқини җакарлиған.
Бу һәптиниң бешида трамп һөкүмитиниң уйғур елини мәнбә қилған пахта мәһсулатлирини мәҗбурий әмгәккә четишлиқ болғанлиқи үчүн бир қисмини яки һәммисини мәни қилишни ойлишиватқанлиқи мәлум болған иди. Бу явропа вә американиң кийим-кечәк базириға тәсир көрситидиған зор қарар болғачқа күчлүк диққәт қозғиған иди. Нөвәттә америка һөкүмити уйғурларниң мәҗбурий әмгики асасидики мәһсулатларниң америка базириға киришини тохтитиш үчүн зор тиришчанлиқ көрсәтмәктә. Бундақ һәрикәтләрниң һазир америка вә явропаниң даңлиқ кийим-кечәк маркилири үстидә бесим пәйда қиливатқанлиқи мәлум.
- Нури түркәл: “мениң комиссарлиқ хизмитим болсун вә яки һазирқи рәислик хизмитим болсун һәммиси асаслиқ уйғурларниң хизмитини қилишни мәркәз қилған”
- “хитайниң дөләт һалқиған бастуруш хәвпи вә буниңға қарши американиң инкаси”
- Хитай җ х министири җав кеҗи: “шинҗаңдики күрәштә ши җинпиңниң үмиди әмәлгә ашти!” (1)
- Йоқитиливатқан уйғур миллий өрп-адәтлири
- Түркийәдики уйғурлар дуч келиватқан қийинчилиқларни һәл қилиш үчүн түркийә һөкүмитигә илтимас сунулди
