“H&M” shirkiti Uyghur élidin paxta mehsulatliri teminleshni toxtatqan

Muxbirimiz irade
2020.09.10
Share on WhatsApp
Share on WhatsApp

Shiwitsiyening tonulghan kiyim-kéchek markisi “H&M” shirkiti özlirining Uyghur élidiki héchqandaq kiyim-kéchek zawuti bilen alaqe qilmaydighanliqini we u yerdiki zawutlargha zakaz bermeydighanliqini bildürgen.

“Blumbérg” gézitining xewer qilishiche, “H&M” shirkitining bayanatchisi ulrika isakson bu heqte gézitke qayturghan jawabida H&M shirkitining hazir Uyghur élidin héchqandaq mal kirgüzmeywatqanliqini tekitligen. U yene: “Biz xitay ölkiliridiki mal teminligüchi zawutlarningmu mejburiy emgektin paydilinip, Uyghur ishchilarni ishletmigenlikige kapaletlik qilish üchün zörür tedbirlerni qolliniwatimiz,” dégen.

Ular bayanatida yene özlirining ilgiri “Yaxshi paxta qurulushi” dep atalghan programma asasida Uyghur élidin paxta alghanliqini, biraq hazir bu programmini toxtatqanliqini jakarlighan.

Bu heptining béshida tramp hökümitining Uyghur élini menbe qilghan paxta mehsulatlirini mejburiy emgekke chétishliq bolghanliqi üchün bir qismini yaki hemmisini men'i qilishni oylishiwatqanliqi melum bolghan idi. Bu yawropa we amérikaning kiyim-kéchek bazirigha tesir körsitidighan zor qarar bolghachqa küchlük diqqet qozghighan idi. Nöwette amérika hökümiti Uyghurlarning mejburiy emgiki asasidiki mehsulatlarning amérika bazirigha kirishini toxtitish üchün zor tirishchanliq körsetmekte. Bundaq heriketlerning hazir amérika we yawropaning dangliq kiyim-kéchek markiliri üstide bésim peyda qiliwatqanliqi melum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet