Иқтисад гезити: “‛уйғур мәҗбурий әмгикиниң алдини елиш қануни‚ пайчики ширкәтлирини әнсиритиватиду”

Вашингтондин мухбиримиз уйғар тәйярлиди
2024.05.22

Америка кеңәш палатаси 2024-йили 5-айниң 20-күни BMW, җагуар ләндировр ( Jaguar Land rover), волкисваген (Volkswagen) қатарлиқ аптомобилларда уйғур мәҗбурий әмгики барлиқини җәзмләштүргәниди. Америка кеңәш палатасиниң малийә комитети оттуриға қойған бу доклатта, аптомобил ширкәтлириниң америкада уйғур мәҗбурий әмгики билән четишлиқ болуп чәкләнгән тәминлигүчи ширкәтләрдин машина запчаслири елип ишләткәнлики түпәйли уларни җазалаш тәләп қилған. Бу әһвал уйғур мәҗбурий әмгики билән четишлиқ болған ширкәтләрдин пайчики алған шәхс вә орунларниму әнсиритиватқанлиқи илгири сүрүлмәктә.

Демократлар партийәсидин келип чиққан кеңәш палата әзаси рон вайден америкада чәкләнгән тәминлигүчи ширкәтләрдин машина запчаслири импорт қилған ширкәтләргә қарита қилған сөзидә мундақ дегән: “мән таможна вә чегра қоғдаш идарисидин бир қатар конкрет тәдбирләрни қоллинип, қаттиқ тәкшүрүш елиш бериш вә мәҗбурий әмгәкни номуссизларчә ишлитиватқанлиқи ениқланған ширкәтләргә бесим қилишқа чақиримән” .

 “иқтисад гезити” (The Financial Times) ниң 22-майдики хәвиригә асасланғанда америка кеңәш палатаси малийә комитетиниң бу доклатни елан қилиши америкадики һәр икки партийәдики сиясийонларниң хитайда йүз бериватқан кишилик һоқуқ дәпсәндичилики вә бу дәпсәндичиликкә шерик болған ширкәтләрни җазалаш арзусиниң күчлүк икәнликни көрситип беридикән. Шуниң билән вақитта “уйғур мәҗбурий әмгикиниң алдини елиш қануни” ниң уйғур мәҗбурий әмгики билән четишлиқ болған ширкәтләрдин пайчики алған шәхс вә орунларниму әнсирәватқанлиқи илгири сүрүлгән.

 Америка пирезиденти җо байден имза қойған “уйғур мәҗбурий әмгикиниң алдини елиш қануни” 2022-йили 21-июндин башлап рәсмий иҗра қилинишқа башлиған. Мәзкур қанунға асасән уйғур диярида ишләпчиқирилип, америкаға импорт қилинидиған һәр қандақ мәһсулатниң уйғур мәҗбурий әмгики билән четишлиқи йоқлуқи қайил қиларлиқ дәлилләр билән испатланмиғучә, америка базириға кериши чәкләнгәниди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.