“Yéngi dölet erbabliri” zhurnili bu heptilik sanini Uyghur mesilisige béghishlidi

Muxbirimiz irade
2022.02.17
Share on WhatsApp
Share on WhatsApp

En'giliyede neshirdin chiqidighan nopuzluq zhornallardin bolghan “Yéngi dölet erbapliri” (The New Statesman) namliq zhornal, bu heptilik sanini Uyghur mesilisige béghishlidi.

Mezkur zhornalda Uyghurlarning mewjutluqi duch kéliwatqan éghir xiris heqqide keng kölemlik bir parche doklat élan qilin'ghan bolup, zhornalning muqawisimu mana bu doklatqa asasen ishlen'gen. Ay-yultuzluq kök bayraq we etles bilen kiyin'gen bir Uyghur qizining aghzining xitayning qizil bayriqi simowl qilin'ghan bir qol bilen étiwélinishi söretlen'gen bu zhornalning muqawisi küchlük diqqet qozghidi.

Mezkur zhornalda élan qilin'ghan Uyghurlar heqqidiki doklatning mawzusi “Jimiqturulush-xitay, Uyghurlar we hujum astidiki medeniyet” bolup, u Uyghurlarning tarixiy, medeniyiti, örp-adet we medeniyitige a'it bir yürüsh maqalilerdin terkib tapqan.

Doklatning kirish sözide xitay hökümitining Uyghurlargha yürgüzüwatqan irqiy qirghinchiliqining polattek pakitliri bilen inkar qilghusiz bir heqiqet bolghanliqi ilgiri sürülgen. Doklatta hazirghiche dunyaning diqqiti peqet 1 milyondin 3 milyon'ghiche adem solan'ghan jaza lagérlargha merkezleshken bolsimu, zulumning peqet lagérlar bilenla cheklenmeydighanliqi, Uyghurlarning yuqiri téxnikaliq nazaret we teqib séstimisi bilen qorallan'ghan üsti ochuq türmide türlük zulumlargha uchrawatqanliqi, ularning assimlatsiye qilip yoqitishqa, medeniyitining weyran qilinishqa yüz tutuwatqanliqini tepsili bayan qilin'ghan.

Doklatta munular bayan qilin'ghan: “Bizning bu mexsus doklatimiz peqetla xitay hökümitining Uyghurlargha qarshi toxtimay qiliwatqan ziyankeshlikinila emes, belki ularning bu herikiti toxtimighan teqdirde, bizning némilerdin mehrum qalidighanliqimizni, yeni özgiche tarix, medeniyet we medeniy miraslardin mehrum qalidighanliqimizni yorutup béridu.”

Mezkur zhornalning yazghuchisi jéremiy kilif tiwittérdiki sözide bu doklatning 17-féwral küni élan qilin'ghanliqini tebriklep: “Biz bu doklat üstide bir yildin artuq waqit ishliduq. Buning axiri zhornalning bu heptilik sanida chiqqanliqini körüp xoshal boldum. Doklatning meqsiti béyjing basturmaqchi boluwatqan medeniyet üstide izdinish we uni teshwiq qilish arqiliq Uyghurlargha qiliniwatqan zulumni ashkarilashtur,” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.