Иреландийәлик диний рәһбәрләр хитайниң уйғурларға қиливатқан зиянкәшликини әйиблиди

Мухбиримиз ирадә
2021-02-18
Share

Иреландийәлик диний рәһбәрләр хитай һөкүмитиниң уйғурларға қиливатқан зиянкәшликини әйибләп баянат елан қилған.

50 Тин артуқ диний рәһбәрниң имза қоюши билән елан қилинған баянатта мундақ дийилгән: "иреландийәдики диний етиқадни асас қилған гуруппиларниң диний даһийлири вә рәһбәрлири болуш сүпитимиз билән, биз әнгилийә вә башқа җайлардики кәсипдашлиримиз билән бирлишип, инсанийәтниң иззәт-һөрмитиниң һәммә кишигә ортақ икәнликини, хитайдики уйғурлар вә башқа мусулманларға йүргүзүливатқан йәһудий қирғинчилиқидин буянқи әң қәбиһ инсаний паҗиәләрниң бирини вә һәтта ирқий қирғинчилиқ еһтималини йорутуп бериш арқилиқ тәкитлимәкчимиз."

"иреландийә вақти гезити" ниң хәвәр қилишичә, баянатқа имза қойғучилар иреландийә черкавиниң баш попи, дублиндин майкел җексон; бәш католик епископи-алан макгукян, финтан монаган, ларри даффи, фонси куллинан вә лео орили; дублин ибранийлар җамаитиниң рабби залман; иреландийә мусулманлар тинчлиқ вә бирлик кеңишидики шәйх өмәр әл-қадири вә зен будда дини җәмийитиниң башлиқи килрой қатарлиқ муһим дини рәһбәрләрниму өз ичигә алидикән.

Юқириқи бу диний рәһбәрләр баянатида уйғурларниң йиға-зариси диққәткә елинмиса вә зиянкәшлик қилғучи җазаланмай, униң зулумни давамлаштурушиға йол қоюлувәрсә, у һалда буниң хәлқара җәмийәтниң кишилик һоқуқни қоғдаш ирадисигә гуман пәйда қилиду, дәп тәкитлигән. Улар баянатида йәнә: "хитай даирилириниң ениқ мәқсити уйғурларниң кимликини йоқитиш. Диний рәһбәр болуш сүпитимиз билән биз паалийәтчиму әмәс, сиясәтчиму әмәс. Йәһудий чоң қирғинчилиқидин кейин, дуня ‹қаят тәкрарланмайду' дегән вәдигә ишәнгән. Әмма бүгүн биз ‹қайта тәкрарланмайду' дегән сөзләрни қайта-қайта тәкрарлаватимиз," дегән.

Ахирида бу дини рәһбәрләр өзлириниң уйғурлар һәм шундақла хитайдики башқа барлиқ дин вә етиқад қурбанлири билән бир сәптә туридиғанлиқини тәкитлигән. Улар дуня җамаәтчиликидин "бу җинайәтләрни тәкшүрүш, мәсулийәтни сүрүштүрүш вә инсаний қәдир-қиммәтни әслигә кәлтүрүш йоли бәрпа қилиш" ни тәләп қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт