Канада өктичи партийәси әнглийәни хитайниң уйғур "ирқий қирғинчилиқи" да "тоғра иш қилишқа" чақирған

Мухбиримиз әркин
2021-03-08
Share

Канададики әң чоң өктичи партийә-консериватиплар партийәсиниң рәһбири ерин өтүл әнглийәни хитайниң уйғурларға йүргүзгән "ирқий қирғинчилиқи" ни әйибләштә "тоғра иш қилишқа" чақирған. Әнглийәдики "експрес" гезитиниң хәвәр қилишичә, ерин өтүл әнглийәниң тоғра иш қилип, хитайни уйғурларға ирқий қирғинчилиқ қилди, дәп елан қилишини тәләп қилған. У мундақ дегән: "дәлилләрниң б д т ниң ирқий қирғинчилиқ тоғрисидики тәбирлиригә чүшидиғанлиқи ениқ. Дәлилләрниң салмиқи наһайити зор. Бундақ қорқунчлуқ қилмишни өзгәртиш үчүн уни қандақ болса шундақ аташ муһим".

Ерин өтүл бу сөзләрни хитай уйғурларға ирқий қирғинчилиқ қилғанлиқини инкар қилип, канада вә явропадики хитай җәмийәтлирини сәпәрвәр қилған, улар бейҗиңниң һәрикитини "террорлуққа қарши туруш", дәп ақлаватқан мәзгилдә ейтқан. Әнглийә парламентиниң авам палатаси йеқинда сода қануниға ирқий қирғинчилиқ маддисини киргүзүш тоғрисидики қанун лайиһисини аз пәрқ билән рәт қилғаниди. "експрес" гезитиниң билдүрүшичә, ерин өтүл "бизниң авазимиз әнглийәниң яңритишини үмид қилған муһим сигнал" дегән.

Канада парламенти йеқинда хитайниң уйғурларға тутқан муамилисини "ирқий қирғинчилиқ" дәп етирап қилған. Буниңда ерин өтүл һалқилиқ рол ойниғаниди. Ерин өтүл йәнә хитайға мувапиқ дипломатик, сода ембаргоси йүргүзүш үчүн америка, әнглийә, канада, австралийә, йеңи зеландийәниң һәмкарлишиши керәкликини билдүрүп, "биз уйғур ирқий қирғинчилиқи, хоңкоң вәзийити, сода, тор һуҗуми вә җасуслуқ мәсилилиридә бейҗиңға болған бесимни маслаштурушимиз керәк" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт