Kanada öktichi partiyesi en'gliyeni xitayning Uyghur "Irqiy qirghinchiliqi" da "Toghra ish qilishqa" chaqirghan

Muxbirimiz erkin
2021-03-08
Share

Kanadadiki eng chong öktichi partiye-konsériwatiplar partiyesining rehbiri érin ötül en'gliyeni xitayning Uyghurlargha yürgüzgen "Irqiy qirghinchiliqi" ni eyibleshte "Toghra ish qilishqa" chaqirghan. En'gliyediki "Éksprés" gézitining xewer qilishiche, érin ötül en'gliyening toghra ish qilip, xitayni Uyghurlargha irqiy qirghinchiliq qildi, dep élan qilishini telep qilghan. U mundaq dégen: "Delillerning b d t ning irqiy qirghinchiliq toghrisidiki tebirlirige chüshidighanliqi éniq. Delillerning salmiqi nahayiti zor. Bundaq qorqunchluq qilmishni özgertish üchün uni qandaq bolsa shundaq atash muhim".

Érin ötül bu sözlerni xitay Uyghurlargha irqiy qirghinchiliq qilghanliqini inkar qilip, kanada we yawropadiki xitay jem'iyetlirini seperwer qilghan, ular béyjingning herikitini "Térrorluqqa qarshi turush", dep aqlawatqan mezgilde éytqan. En'gliye parlaméntining awam palatasi yéqinda soda qanunigha irqiy qirghinchiliq maddisini kirgüzüsh toghrisidiki qanun layihisini az perq bilen ret qilghanidi. "Éksprés" gézitining bildürüshiche, érin ötül "Bizning awazimiz en'gliyening yangritishini ümid qilghan muhim signal" dégen.

Kanada parlaménti yéqinda xitayning Uyghurlargha tutqan mu'amilisini "Irqiy qirghinchiliq" dep étirap qilghan. Buningda érin ötül halqiliq rol oynighanidi. Érin ötül yene xitaygha muwapiq diplomatik, soda émbargosi yürgüzüsh üchün amérika, en'gliye, kanada, awstraliye, yéngi zélandiyening hemkarlishishi kéreklikini bildürüp, "Biz Uyghur irqiy qirghinchiliqi, xongkong weziyiti, soda, tor hujumi we jasusluq mesililiride béyjinggha bolghan bésimni maslashturushimiz kérek" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet