D u q wekili: "Biz b d t we dunya sehiye teshkilatining Uyghur rayonida tekshürüsh élip bérishini telep qilimiz"

Muxbirimiz erkin
2020-03-09
Élxet
Pikir
Share
Print

Dunya Uyghur qurultiyining wekili b d t kishilik hoquq kéngishining 43‏-nöwetlik yighinida söz qilip, xitayning lagérlarni taqishi, lagérlardiki milyonlighan bigunah tutqunlarni qoyup bérishi, shundaqla b d t we dunya sehiye organlirining Uyghur rayonida cheklimisiz tekshürüsh élip bérishigha yol qoyushini telep qilghan.

Dunya Uyghur qurultiyining wekili zumret'ay erkin b d t kishilik hoquq kéngishining 9‏-mart küni jenwede ötküzülgen yighinida gérmaniye "Tehdit astidiki xeqler jem'iyiti" ge wakaliten söz élip, yuqiriqi chaqiriqni otturigha qoyghan.

B d t kishilik hoquq kéngishining bu nöwetlik yighini 24‏-féwral bashlan'ghan. Zumret'ay erkin yighinda "Xitay hökümiti we xelq'ara jem'iyetning insan hayatini siyaset we yüz xatiridin üstün orun'gha qoyushi kérekliki" ni tekitlep, "Lagérlarni taqashqa, xalighanche tutqun qilin'ghan milyonlighan bigunah kishilerni qoyup bérishke, b d t we xelq'ara sehiye organlirining kéchikip qélishtin burun rayonda cheklimisiz tekshürüsh élip bérishigha yol qoyushqa chaqirimiz" dégen.

U, xitay hökümiti lagérdiki tutqunlar qoyup bérildi, dep élan qilghan bolsimu, lékin deliller tutqunlarning karxanilarda mejburiy emgekke séliniwatqanliqini körsitip bergenliki, shundaqla korona wirusining lagérlardiki milyonlighan Uyghur we bashqa musulmanlargha xewp yetküzüwatqanliqidin qattiq endishe qiliwatqanliqini eskertip, xelq'ara jem'iyetning bu krizisqa körsetken inkasidin qattiq ümidsizlen'genlikini tekitligen. B d t kishilik hoquq kéngishining jenwede ötküzülüwatqan mezkur yighini 20‏-martqa qeder dawamlishidu.

Toluq bet