Саманта повер: "бу доклат хитайниң уйғурларға зади немә қиливатқанлиқини ениқ көрситип бәргән"

Мухбиримиз әркин
2021-03-12
Share

Американиң б д т да турушлуқ сабиқ баш әлчиси саманта повер, вашингтондики "нюлайнез истратегийә вә сиясәт институти" ниң елан қилған "уйғур ирқий қирғинчилиқи" намлиқ мустәқил тәтқиқат доклатиниң "хитайниң уйғурларға зади немә қиливатқанлиқини ениқ ечип бәргәнлики" ни билдүргән. У 12-март твиттерда инкас йоллап, "1948-йилдики ирқий қирғинчилиқ әһдинамиси б д т ниң тунҗи кишилик һоқуқ шәртнамиси, униңда ирқий қирғинчилиққа бир топни вәйран қилиш урунуши, дәп тәбир берилгәнлики" ни билдүргән.

У: "бу доклат хитайниң уйғурларға зади немә қиливатқанлиқини ениқ көрситип бәргән. Дәлилләрни өзиңиз тәкшүрүп беқиң" дәп көрсәткән. Саманта повер 2013-йилдин 2017-йилғичә америкиниң б д т да турушлуқ баш әлчиси болған болуп, у 2016-йили "форбес" журнили тәрипидин дунядики әң күчлүк аялларниң бири, дәп баһаланған иди. Саманта повер: "бу доклатта тунҗи қетим уйғурлар хитайда учраватқан муамилиниң 1948-йилидики ирқий қирғинчилиқ әһдинамисигә мустәқил тәдбиқланғанлиқи" ни билдүргән.

Униң тветтир сөзи хитайниң фирансийәдики әлчиханиси видейо ишләп, уйғур нопусиниң азлап кәткәнликини рәт қилған, бирақ униң санлиқ мәлумати муназирә қозғиған мәзгилдә йолланди. Мәлум болушичә, хитай әлчиханисиниң видейосида уйғур нопусиниң 2018-йили 12 милйон 710 миңға йәткәнлики, бирақ униң 2020-йили 11 милйон икәнлики илгири сүрүлгән. Бу видейо тветтирда "2 милйондәк уйғур нәгә кәтти?" дегән муназирә қозғиған. Германийәлик уйғуршунас адриян зенз, хитай даирилириниң 2013-йили уйғур нопусини 11 милйондин артуқ, дәп елан қилғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт