Samanta powér: "Bu doklat xitayning Uyghurlargha zadi néme qiliwatqanliqini éniq körsitip bergen"

Muxbirimiz erkin
2021-03-12
Share

Amérikaning b d t da turushluq sabiq bash elchisi samanta powér, washin'gtondiki "Nyulaynéz istratégiye we siyaset instituti" ning élan qilghan "Uyghur irqiy qirghinchiliqi" namliq musteqil tetqiqat doklatining "Xitayning Uyghurlargha zadi néme qiliwatqanliqini éniq échip bergenliki" ni bildürgen. U 12-mart twittérda inkas yollap, "1948-Yildiki irqiy qirghinchiliq ehdinamisi b d t ning tunji kishilik hoquq shertnamisi, uningda irqiy qirghinchiliqqa bir topni weyran qilish urunushi, dep tebir bérilgenliki" ni bildürgen.

U: "Bu doklat xitayning Uyghurlargha zadi néme qiliwatqanliqini éniq körsitip bergen. Delillerni özingiz tekshürüp béqing" dep körsetken. Samanta powér 2013-yildin 2017-yilghiche amérikining b d t da turushluq bash elchisi bolghan bolup, u 2016-yili "Forbés" zhurnili teripidin dunyadiki eng küchlük ayallarning biri, dep bahalan'ghan idi. Samanta powér: "Bu doklatta tunji qétim Uyghurlar xitayda uchrawatqan mu'amilining 1948-yilidiki irqiy qirghinchiliq ehdinamisige musteqil tedbiqlan'ghanliqi" ni bildürgen.

Uning twéttir sözi xitayning firansiyediki elchixanisi widéyo ishlep, Uyghur nopusining azlap ketkenlikini ret qilghan, biraq uning sanliq melumati munazire qozghighan mezgilde yollandi. Melum bolushiche, xitay elchixanisining widéyosida Uyghur nopusining 2018-yili 12 milyon 710 minggha yetkenliki, biraq uning 2020-yili 11 milyon ikenliki ilgiri sürülgen. Bu widéyo twéttirda "2 Milyondek Uyghur nege ketti?" dégen munazire qozghighan. Gérmaniyelik Uyghurshunas adriyan zénz, xitay da'irilirining 2013-yili Uyghur nopusini 11 milyondin artuq, dep élan qilghanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet