Shimaliy yawropa we baltiq déngiz boyi döletliri Uyghurlarning kishilik hoquq mesilisige köngül bölüwétiptu

2021-05-19
Share

"Yaxu xewerliri" torining xewer qilishiche, daniye, éstoniye, finlandiye, islandiye, latwiye, litwa, norwégiye, shéwitsiye qatarliq döletler birleshme bayanat élan qilip, Uyghur we bashqa musulman milletlerning kishilik hoquq ehwaligha yéqindin köngül bölüwatqanliqini bildürgen.

Shimaliy yawropa we baltiq déngizi boyi döletlirining bu birleshme bayanatida yuqiriqi döletlerning Uyghur rayonidiki atalmish "Qayta terbiyelesh orni" gha qamalghan milyonlighan insanlarning ehwaligha küchlük diqqet qiliwatqanliqi bildürülgen. Bayanatta munular bildürülgen: "Biz yene Uyghur we bashqa az sanliq milletlerning diniy étiqad erkinliki, pikir erkinliki we tinch shekillik ijtima'iy pa'aliyetlirining qattiq cheklinishi we bashqa kishilik hoquq depsendichiliklirige yéqindin diqqet qiliwatimiz".

Bu bayanatta yene Uyghurlargha qaritilghan mejburiy emgek, tughutni cheklesh we bashqa jinsiy zorawanliq ispatliri körsitilgen hemde "Xelq'ara qanun we xitayning asasiy qanunida körsitilgen kishilik hoquq choqum qoghdilishi kérek, shinjangdiki milletlermu shuning ichide" déyilgen. Andin shimaliy yawropa we baltiq déngiz boyi döletliridin shinjanggha barghan muxbirlargha xitayning tosqunluq qilmasliqi, ularni nazaret qilmasliqi we öch almasliqi heqqide chaqiriq qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet