Kishilik hoquq teshkilatliri xelq'arani Uyghurlarni xitaygha qayturmasliq toghrisida jiddiy tedbir qollinishqa chaqirdi

Muxbirimiz erkin
2022.06.17
Share on WhatsApp
Share on WhatsApp

Xelq'aradiki 20 din artuq musapirlar we kishilik hoquq orgini, 50 tin artuq Uyghur teshkilati 17-iyun, dunya musapirlar küni harpisida ortaq xitabname élan qilip, her qaysi hökümetler we xelq'araliq organlarni xitaygha qayturulush xewpi astidiki Uyghur we bashqa türkiy milletlerni qoghdash üchün jiddiy tedbir élishqa chaqirghan. Chaqiriqta: “Xitayning Uyghur rayonida keng kölemlik tutup turush, mejburiy emgek we qiynashni öz ichige alghan wehshiy jinayi qilmishlirini qanat yaydurush bilen bir waqitta, kishilik hoquq qoghdighuchilirini öz ichige alghan xitay sirtidiki Uyghurlarning xelq'araliq qoghdashtin mehrum qélish we qayturulush xewpige qélishtek tosqunluqlargha duch kéliwatqanliqi” eskertilgen.

Melum bolushiche, bu xitabnamige dunya Uyghur qurultiyi, wakaletsiz milletler we xelqler teshkilati, kishilik hoquqni himaye qilghuchilarni qoghdash teshkilati, xelq'ara musapirlar teshkilati, musapirlar qurultiyi, ottura-sherq we shimaliy ‍afriqa hoquq teshkilati, ten jazasi qurbanliri merkizi, Uyghur kishilik hoquq qurulushini öz ichige alghan 70 nechche ammiwi teshkillet imza qoyghan. Her yili 20-iyun b d t ning dunya musapirlar xatirilesh küni bolup, b d t musapirlar mehkimisi bu yilni musapirlarning bixeterlik heqlirige merkezlishish yili, qilip békitken idi.

Lékin 70 nechche teshkilatning 17-iyun élan qilghan chaqiriqida mundaq déyilgen: “3-Dölette muqim olturaqliship bolalmighan Uyghurlar tutqun qilinish we (xitaygha) qayturulushtek pewqul'adde xewpke duch kelmekte. Ulardin nurghunliri da'im xitay da'irilirining telipi bilen yerlik da'irilerning parakendichiliki we qorqutushigha uchrap keldi, bezi ehwallarda uzun mezgil tutup turuldi.”

Chaqiriqta körsitilishiche, hökümetler qayturulush xewpidiki Uyghurlargha qarita aktipliq bilen musapirlarni orunlashturush programmisini yolgha qoyup, jiddiy qayturulush xewpidiki délolargha diqqet qilishi, hökümetler xitayning Uyghurlarni nishan qilghan jinayi ishlar edliye hemkarliq teleplirini ret qilishi, shundaqla xitayning xelq'ara sanliq melumat ambarlirini Uyghur we bashqa türkiy milletlerge qarshi ishlitishining aldini aktipliq bilen élishi kérek iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet