«Галата сарай» кулубиниң путбулчиси уйғурларни қоллайдиғанлиқини билдүрди

Мухбиримиз нуриман
2020-06-19
Елхәт
Пикир
Share
Принт

Түркийәдики даңлиқ путбол кулублиридин бири болған «галата сарай» путбол командисиниң әзаси, алҗирийәлик софян фегули 17-июн өзиниң тивиттер һесабида хәштәг билән учур йоллаш арқилиқ уйғурларни қоллайдиғанлиқини билдүрди.

Түркийәдики чоң хәвәр агентлиқи болған «анадолу агентлиқи» 19-июн хәвәр елан қелип, путболчи софиянниң бу хәштәг арқилиқ кишиләрниң уйғур мәсилисигә болған тонушини өстүрүшини үмид қилғанлиқи вә хитайниң уйғур районидики түркий мусулман топлуқлирини бастуруш қилмишини әйиблигәнликини тәкитлигән.

Хәвәрдә йәнә кишилик һоқуқни көзитиш тәшкилатиниң өткән йилидики доклатида бейҗиңни уйғурларға қарши «системилиқ кишилик һоқуқ дәпсәндичилики» билән әйиблигәнлики вә америка қатарлиқ дөләтләрниң уйғур мәсилисигә җиддий позитсийәдә болуватқанлиқи әскәртилгән.

Софян фегули түркийәдә уйғурларни қоллиған тәнтәрбийә саһәсидики даңлиқлардин иккинчиси болуп, өткән йили 12-айда «арсенал» кулубиниң путболчиси мәсут өзилниң тиветтер һесабида уйғурларни қоллап йоллиған қисқа баянати дуня миқясида күчлүк ғулғула қозғиған иди.

Пикирләр (0)
Share
Толуқ бәт