"Galata saray" kulubining putbulchisi Uyghurlarni qollaydighanliqini bildürdi

Muxbirimiz nur'iman
2020-06-19
Élxet
Pikir
Share
Print

Türkiyediki dangliq putbol kulubliridin biri bolghan "Galata saray" putbol komandisining ezasi, aljiriyelik sofyan féguli 17-iyun özining tiwittér hésabida xeshteg bilen uchur yollash arqiliq Uyghurlarni qollaydighanliqini bildürdi.

Türkiyediki chong xewer agéntliqi bolghan "Anadolu agéntliqi" 19-iyun xewer élan qélip, putbolchi sofiyanning bu xeshteg arqiliq kishilerning Uyghur mesilisige bolghan tonushini östürüshini ümid qilghanliqi we xitayning Uyghur rayonidiki türkiy musulman topluqlirini basturush qilmishini eyibligenlikini tekitligen.

Xewerde yene kishilik hoquqni közitish teshkilatining ötken yilidiki doklatida béyjingni Uyghurlargha qarshi "Sistémiliq kishilik hoquq depsendichiliki" bilen eyibligenliki we amérika qatarliq döletlerning Uyghur mesilisige jiddiy pozitsiyede boluwatqanliqi eskertilgen.

Sofyan féguli türkiyede Uyghurlarni qollighan tenterbiye sahesidiki dangliqlardin ikkinchisi bolup, ötken yili 12-ayda "Arsénal" kulubining putbolchisi mesut özilning tiwéttér hésabida Uyghurlarni qollap yollighan qisqa bayanati dunya miqyasida küchlük ghulghula qozghighan idi.

Toluq bet